ശാസ്താംകോട്ട : കുന്നത്തൂർ താലൂക്ക് സർക്കിൾ കോഓപ്പറേറ്റീവ് യൂണിയൻ,71-ാം അഖിലേന്ത്യാ സഹകരണ വാരാഘോഷത്തിന്റെ ഭാഗമായി താലൂക്ക് തലത്തിൽ സ്കൂൾ കോളേജ് വിദ്യാർഥികൾക്കായി പ്രസംഗ – പ്രബന്ധ മത്സരങ്ങൾ ഒക്ടോബർ 18 ന് രാവിലെ മുതൽ ശാസ്താംകോട്ട അസിസ്റ്റന്റ് രജിസ്ട്രാർ ഓഫീസിൽ വച്ചു നടത്തുന്നു.സഹകരണ മേഖലയുമായി ബന്ധപ്പെട്ടതായിരിക്കും വിഷയങ്ങൾ.സ്കൂൾ തലത്തിൽ ഹൈസ്കൂൾ വരെയുള്ള വിദ്യാർഥികളും, കോളേജ് തലത്തിൽ പ്ലസ് ടു, ബിരുദ- ബിരുദാനന്ദ -സഹകരണ പാരലൽ കോളേജ് വിദ്യാർഥികൾക്കും പങ്കെടുക്കാവുന്നതാണ്. വിജയികൾക്ക് ജില്ലാ തല സംസ്ഥാന തല മത്സരങ്ങളിലും പങ്കെടുക്കാം. പ്രസംഗ മത്സരം അഞ്ച് മിനിറ്റും പ്രബന്ധ മത്സരം ഒരു മണിക്കൂറും ആയിരിക്കും.സ്കൂൾ അധികൃതരുടെ സാക്ഷ്യ പത്രവും ആയി സഹകരണ അസിസ്റ്റന്റ് രജിസ്ട്രാർ ഓഫീസിൽ രജിസ്റ്റർ ചെയ്യണമെന്ന് സർക്കിൾ യൂണിയൻ ചെയർമാൻ അഡ്വ. ടി മോഹനനും സെക്രട്ടറി അസിസ്റ്റന്റ് രജിസ്ട്രാർ എം ശ്രീവിദ്യയും അറിയിച്ചു.
