Advertisement
class="td-all-devices">
ശാസ്താംകോട്ട. മാസങ്ങള്‍ മുമ്പു റെയില്‍വേ സ്റ്റേഷന്‍ പരിസരത്ത് എത്തിയ കാട്ടുപന്നികള്‍ ആദിക്കാട്ട് ജംക്ഷനിലും പരിസരത്തും എത്തി. നിരവധി പുരയിടങ്ങളില്‍ കൃഷി നശിപ്പിക്കുന്നുണ്ട്. ഇന്നലെ ആദിക്കാട്ട് തറവാടിന് പടിഞ്ഞാറ് ഭാഗത്ത് കൂറ്റന്‍ പന്നിമേയുന്നത് നാട്ടുകാര്‍ കണ്ടു.ആദിക്കാട്ട് ജംക്ഷനില്‍ രാത്രി ഇറങ്ങിയ പന്നി വാഹനം കണ്ട് തിരിഞ്ഞോടി. സമീപത്ത് ചെമ്പില്‍ ചതുപ്പ് ഭാഗത്ത് വന്‍തോതില്‍ പന്നികളുണ്ടെന്ന് നാട്ടുകാര്‍ പറയുന്നു. വിജനമായ ഏറെ കാട്ടുപൊന്തകളുള്ള ഈ ചതുപ്പുമേഖല പന്നികള്‍ക്ക് പറ്റിയ വാസസ്ഥാനമാണ്.
പന്നികള്‍ ആളുകളെ ആക്രമിക്കാനിടയുണ്ടെന്നതിനാല്‍ ജനം ഭീതിയിലാണ്. നേരത്തേ മൈനാഗപ്പള്ളി പഞ്ചായത്ത് പന്നിവേട്ടക്ക് ശ്രമം നടത്തിയെങ്കിലും പരാജയപ്പെട്ടതാണ്.
