Advertisement
പുനലൂര്‍. സുഹൃത്തിന്റെ വീട്ടിൽ കയറി ഭാര്യയെ പീഡിപ്പിക്കാൻ ശ്രമിച്ചയാൾ പിടിയിൽ. പുനലൂർ സ്വദേശി അരുൺ ആണ് പിടിയിലായത്. വീട്ടമ്മയുടെ പരാതിയിലാണ് നടപടി.
വട്ടപ്പടയിലുള്ള സുഹൃത്തിന്റെ വീട്ടിൽ രാത്രി അതിക്രമിച്ചു കയറിയായിരുന്നു അരുണിന്റെ അതിക്രമം. വീട്ടിൽ കിടന്നുറങ്ങുകയായിരുന്ന സുഹൃത്തിന്റെ ഭാര്യയെ ഇയാൾ കടന്നു പിടിക്കുകയായിരുന്നു.പിന്നാലെ യുവതി ശബ്ദം വെച്ചതോടെ വീട്ടിൽ നിന്നും ഓടി രക്ഷപ്പെടാൻ ശ്രമിച്ച അരുണിനെ യുവതിയുടെ ഭർത്താവും നാട്ടുകാരും ചേർന്നാണ് പിടികൂടിയത്.പിന്നീട്
ഇയാളെ പുനലൂർ പോലീസിന് കൈമാറി. വീട്ടമ്മയുടെ പരാതിയിൽ പീഡനശ്രമം ഉൾപ്പെടെയുള്ള വകുപ്പുകൾ ചുമത്തിയാണ് പോലീസ് കേസെടുത്തിരിക്കുന്നത്. അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Advertisement
