ശാസ്താംകോട്ട:കെ.എസ്.എം ദേവസ്വം ബോർഡ് കോളേജിൽ നടന്ന യൂണിയൻ തെരഞ്ഞെടുപ്പിൽ മുഴുവൻ സീറ്റുകളിലും കെ.എസ്.യുവിൻ്റെ വിജയക്കുതിപ്പ്.14ൽ 14 സീറ്റുകളിലും കെ.എസ്.യു ആധിപത്യം ഉറപ്പിച്ചപ്പോൾ എസ്എഫ്ഐയ്ക്ക് വട്ടപ്പൂജ്യമായിരുന്നു ഫലം.ഇത് നാലാം തവണയാണ് തുടർച്ചയായി കെ.എസ്.യു യൂണിയൻ ഭരണം സ്വന്തമാക്കുന്നത്.
യൂണിയൻ ചെയർമാൻ,ജനറൽ സെക്രട്ടറി,മാഗസിൻ എഡിറ്റർ തുടങ്ങി മുഴുവൻ സീറ്റുകളിലും കെ.എസ്.യു വിജയക്കുതിപ്പ് നടത്തി.എസ്എഫ്ഐ പാനലിൽ
മത്സരിച്ച ഒരാൾ പോലും വിജയിച്ചില്ല.ഉച്ചയോടെ തെരഞ്ഞെടുപ്പ് പ്രക്രിയ പൂർത്തികരിച്ചപ്പോൾ തന്നെ കെ.എസ്.യു സമ്പൂർണ വിജയം ഉറപ്പിച്ചിരുന്നു.വൈകിട്ട് അന്തിമഫല പ്രഖ്യാപനം വന്നതോടെ പ്രവർത്തകരിൽ ആവേശം അണപൊട്ടി.സഞ്ചു.ജെ.തരകൻ ചെയർമാനും അപർണ വി.ആർ വൈസ് ചെയർപേഴ്സണും മുഹമ്മദ് ആഷിക്.എസ് ജനറൽ സെക്രട്ടറിയുമാകും.സന്ദീപ് എസ്.എസ് (ആർട്സ് ക്ലബ്ബ് സെക്രട്ടറി),വിഷ്ണു.എസ് (മാഗസിൻ എഡിറ്റർ),ഷിഹാസ്.എസ്,ഷിഫാന.എസ് (ഇരുവരും യു.യു.സി),സൽമ.എസ്, നന്ദ.ബി(വനിതാ പ്രതിനിധികൾ), കാർത്തിക്.ആർ (ഫസ്റ്റ് ഡി.സി റെപ്പ്), അജ്മി എ.എൽ (സെക്കൻ്റ് ഡി.സി റെപ്പ്), എം.വി ദേവദത്തൻ (തേഡ് ഡി.സി റെപ്പ്), ആരതി ലാൽ (ഫസ്റ്റ് പി.ജി റെപ്പ്), സുമിത്ത് റോഷർ.എൻ (സെക്കൻ്റ് പി.ജി റെപ്പ്) എന്നിവരാണ് വിജയിച്ച മറ്റുള്ളവർ.വിജയം ഉറപ്പിച്ച് പുറത്തുവന്ന യൂണിയൻ ഭാരവാഹികളെ കോളേജ് കവാടത്തിൽ നിന്നും നീലഹാരമണിയിച്ച് സ്വീകരിച്ച ശേഷം കെ.എസ്.യു,യൂത്ത് കോൺഗ്രസ്,കോൺഗ്രസ് പ്രവർത്തകരുടെ നേതൃത്വത്തിൽ ശാസ്താംകോട്ട ടൗണിൽ ആഹ്ലാദ പ്രകടനം നടത്തി.
