കൊട്ടാരക്കര: കാടാംകുളത്ത് വീടിനുള്ളില്‍ യുവാവിനെ മരിച്ച നിലയില്‍ കണ്ടെത്തി. കാടാംകുളം ചരുവിള മേലേതില്‍ പരേതനായ വി. ഗംഗാധരന്റെ മകന്‍ അനീഷി(33)നെയാണ് ഷോക്കേറ്റ് മരിച്ച നിലയില്‍ കണ്ടെത്തിയത്. കഴിഞ്ഞ ദിവസം വൈകിട്ട് 5 മണിയോടെയാണ് മരണ വിവരം അറിയുന്നത്.
അനീഷിന്റെ കാടാംകുളത്തെ വീട്ടില്‍ അറ്റകുറ്റപണികള്‍ നടക്കുന്നതിനാല്‍ അനീഷിന്റെ അമ്മ മണിയമ്മ സഹോദരിയുടെ വീട്ടില്‍ ആയിരുന്നു. അനീഷും സഹോദരിയുടെ വീട്ടിലും അറ്റകുറ്റപണി നടക്കുന്ന വീട്ടിലുമായി മാറിമാറി താമസിച്ചു വരികയായിരുന്നു. രാവിലെ മുതല്‍ അനീഷിന്റെ സുഹൃത്തുക്കള്‍ ഫോണില്‍ വിളിച്ചിട്ടും ഫോണ്‍ എടുക്കാത്തതിനാല്‍ വീട്ടില്‍ വന്ന് നോക്കുമ്പോള്‍ കാലില്‍ വയര്‍ ചുറ്റിയ നിലയില്‍ കമഴ്ന്നു കിടക്കുകയായിരുന്നു. ഉടന്‍ തന്നെ സുഹൃത്തുക്കള്‍ പോലീസില്‍ വിവരം അറിയിച്ചു. കൊട്ടാരക്കര പോലീസ് സ്ഥലത്ത് എത്തി മേല്‍ നടപടികള്‍ സ്വീകരിച്ചു. സിസിറ്റിവി ടെക്‌നീഷ്യന്‍ ആയിരുന്നു അനീഷ്. അമ്മ: മണിയമ്മ, സഹോദരി: ചിത്ര.
