തിരുവനന്തപുരം.പ്രേംനസീർ സുഹൃദ് സമിതി ആറാമത് സംസ്ഥാന പത്ര- ദൃശ്യമാധ്യമ പുരസ്ക്കാരം കേരള നിയമസഭ സ്പീക്കൽ എ എൻ ഷംസീർ വിതരണം ചെയ്തു. മികച്ച ക്രൈം റിപ്പോർട്ടർക്കുള്ള പുരസ്ക്കാരം ട്വൻറി ഫോർ ന്യൂസ് ചീഫ് റിപ്പോർട്ടറും കൊല്ലം ബ്യൂറോ ചീഫുമായ ആർ അരുൺരാജ് ഏറ്റുവാങ്ങി.കേരളം നടുങ്ങിയ ക്രൈം വാർത്തകളിലെ കാണപ്പുറങ്ങൾ തേടിയുള്ള യാത്രയാണ് അരുണിനെ പുരസ്ക്കാരത്തിന് അർഹനാക്കിയത്. കൊല്ലം പോരുവഴി, നിർമ്മാല്യത്തിലെ
ആർ രാജീവിൻ്റെയും എസ് അനിതയുടെയും മകനാണ്.അമിതാ രാജീവാണ് ഭാര്യ.ആർദ്രവ് അരുൺ അനശ്വർ അരുൺ എന്നിവർ മക്കളാണ്.
2017 ൽ സംസ്ഥാന മനുഷ്യാവകാശ കമ്മീഷൻ്റെ മാധ്യമ പുരസ്ക്കാരം, 2019 ൽ കലാഭവൻ മണി എക്സലൻസി അവാർഡ്,2022 സംസ്ഥാന സർക്കാരിൻ്റെ മികച്ച മാധ്യമ പ്രവർത്തകനുള്ള പുരസ്ക്കാരം, 2023 ഗ്ലോബൽ എക്സലൻസി പുരസ്ക്കാരം, എന്നിവ ലഭിച്ചിട്ടുണ്ട്. തിരുവനന്തപുരം തൈക്കാട് ഭാരത് ഭവനിലെ നടന്ന പരിപാടിയിൽ മുൻ മന്ത്രി ആൻ്റണി രാജു, മീഡിയ അക്കാദമി ചെയർമാൻ ആർ എസ് ബാബു, എസ് ആർ ശക്തിധരൻ എന്നിവർ പങ്കെടുത്തു.
