കരുനാഗപ്പള്ളി എക്സൈസ് റേഞ്ച് ഓഫീസിൽ പ്രവർത്തിക്കുന്ന വിമുക്തി പഠന കേന്ദ്രത്തിൻ്റെ നേതൃത്വത്തിൽ ചവറ ബി. ജെ. എം ഗവ. കോളേജ് എൻ എസ് എസ് പ്രോഗ്രാം ഓഫീസറും മുൻ ജില്ലാ കോ ഓർഡിനേറ്ററുമായ
ഡോ. ഗോപകുമാറിനെ
ആദരിച്ചു എക്സൈസ് വകുപ്പിൻ്റെ ലഹരി വിരുദ്ധ ബോധവൽക്കരണ പ്രവർത്തനത്തിൽ
എൻ.എസ്എസ്സിലൂടെ നൽകിയ സംഭാവനകളെ മുൻ നിർത്തിയാണ് ആദരവ് നൽകിയത്.
കഴിഞ്ഞ മൂന്ന് വർഷമായി ജില്ലയിലെ വിവിധ കോളേജുകളിലെ വോളണ്ടിയറന്മാർക്ക് എക്സൈസ് വിമുക്തി പഠന കേന്ദ്രം വഴി നൽകിയ
ലഹരി വർജ്ജന ശില്പശാലകൾ , ലഹരി വിരുദ്ധ ചുവർചിത്ര രചനയും ബോധവൽക്കരണവും, അതിഥി തൊഴിലാളികൾക്ക് ഹിന്ദിയിൽ നൽകിയ
ബോധവൽക്കരണം, ലഹരി വിരുദ്ധ കൈയ്യെഴുത്ത് മാസിക, കലാപ്രകടനങ്ങൾ
തുടങ്ങി ഒട്ടേറെ പ്രവർത്തനങ്ങൾ
എക്സൈസുമായ് സഹകരിച്ച് നടപ്പിലാക്കി. കരുനാഗപ്പള്ളി എക്സൈസ് റേബ് ഓഫീസിൽ വച്ച് നടന്ന ദ്വിദിന ശില്പശാലയിൽ വച്ച്
പിന്നണി ഗായിക ചിത്രാ അയ്യർ സർട്ടിഫിക്കറ്റും മെമൻ്റോയും നൽകി ആദരിച്ചു ചടങ്ങിൽ എക്സൈസ് ഇൻസ്പെക്ടർ ലതീഷ് എസ്, പഠന കേന്ദ്രം ചെയർമാൻ പി എൽ വിജിലാൽ കൺവീനർ എസ് ആർഷെറിൻ രാജ് താലൂക്ക് ലൈബ്രറി സെക്രട്ടറി വി വിജയകുമാർ കൗൺസിലർ സിന്ധു ആർഡോ. ഡി ദേവി പ്രിയ എന്നിവർ സംബന്ധിച്ചു
