Advertisement
അഞ്ചല്‍: രണ്ട് ഹൈസ്‌കൂള്‍ വിദ്യാര്‍ത്ഥിനികളെ കാണ്മാനില്ലെന്ന് പോലീസില്‍ പരാതി. അഞ്ചല്‍ ഗവ. ഈസ്റ്റ് ഹയര്‍ സെക്കന്‍ഡറി സ്‌കൂളിലെ ഒന്‍പതാം ക്ലാസ് വിദ്യാര്‍ഥിനികളെയാണ് കാണാതായത്.
ഇരുവരും ഇന്നലെ സ്‌കൂളില്‍ എത്താത്തതിനെത്തുടര്‍ന്ന് സ്‌കൂള്‍ അധികൃതര്‍ ഇരുവരുടേയും വീടുകളില്‍ വിവരം അറിയിച്ചു. രക്ഷിതാക്കളുടേയും സ്‌കൂള്‍ അധികൃതരുടേയും പരാതി കിട്ടിയ ഉടന്‍ തന്നെ അഞ്ചല്‍ പോലീസ് അന്വേഷണം ആരംഭിച്ചു. ബസ്സ്റ്റാന്റുകള്‍, റയില്‍വേ സ്റ്റേഷന്‍ എന്നിവിടങ്ങളിലും അന്വേഷണം നടത്തി. ഇന്നലെ ഉച്ചക്ക് രണ്ടോടെ പുനലൂരില്‍ ഇരുവരും എത്തിയതായുള്ള വിവരം പോലീസിന് ലഭിച്ചിരുന്നു. കുട്ടികളെ കണ്ടെത്തുന്നതിനുള്ള അന്വേഷണം ഊര്‍ജിതമായി നടക്കുകയാണെന്ന് പോലീസ് പറഞ്ഞു.
Advertisement
