Advertisement
ശാസ്താംകോട്ട. പത്താം ക്ലാസ് വിദ്യാർത്ഥിയെ ക്രൂരമായി മർദ്ദിച്ചതായി പരാതി.പള്ളിശേരിക്കൽ അൽ-അമീൻ മൻസിലിൽ ആഷിക് (15) നാണ് ക്രൂരമായി മർദ്ദനമേറ്റത്. ഇന്ന് വൈകുന്നേരത്തോടെയാണ് സംഭവം നടന്നത്. മൈനാഗപ്പള്ളി മിലാദേ ശരീഫ് ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർത്ഥിയാണ് ആഷിക്. ഇന്ന് വൈകുന്നേരം എക്സ്ട്രാ ക്ലാസ് കഴിഞ്ഞ് പുറത്തിറങ്ങിയ വിദ്യാർഥിയെ ഒരു സംഘം തടഞ്ഞുവച്ച് മർദ്ദിക്കുകയായിരുന്നു. മർദ്ദനത്തിൽ തലയ്ക്കും കൈയ്ക്കും പരിക്കേറ്റ വിദ്യാർത്ഥിയെ ശാസ്താംകോട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചു. ആഷിക്കിനെ അന്വേഷിച്ച് വീട്ടിലെത്തിയ ശേഷമാണ് സംഘം സ്കൂളിലെത്തി വിദ്യാർത്ഥിയെ മർദ്ദിച്ചതെന്ന് പറയപ്പെടുന്നു. സംഭവത്തിൽ നാലു പേരെ ശാസ്താംകോട്ട പോലീസ് കസ്റ്റഡിയിലെടുത്തിട്ടുണ്ട്. ഇവരെ കുറിച്ചുള്ള കൂടുതൽ വിവരങ്ങൾ ലഭിച്ചിട്ടില്ല.
Advertisement
