Advertisement
കൊല്ലം: ബീച്ച് റോഡിലെ വ്യാപാര സമുച്ചയത്തില്‍ തീപിടിത്തം. ബീച്ച് റോഡില്‍ പ്രവര്‍ത്തിക്കുന്ന സേട് ടവറില്‍ ഒന്നാം നിലയിലുള്ള റിലയന്‍സ് നിപ്പോണ്‍ ഇന്‍ഷുറന്‍സ് എന്ന സ്ഥാപനത്തിലാണ് തീപിടിത്തമുണ്ടായത്. ഇന്ന് രാവിലെ ആറോടെയാണ് പുക ഉയരുന്നത് ശ്രദ്ധയില്‍പെട്ടത്. ഉടന്‍തന്നെ ഫയര്‍ഫോഴ്‌സില്‍ വിവരമറിയിക്കുകയായിരുന്നു. ചാമക്കടയില്‍ നിന്ന് ഫയര്‍ഫോഴ്‌സ് സംഘമെത്തി അടച്ചിട്ടിരുന്ന സ്ഥാപനത്തിന്റെ പൂട്ട് പൊളിച്ച് തീ കെടുത്തി. ഷോര്‍ട് സര്‍ക്ക്യൂട്ടാണ് തീപിടിത്തത്തിന് കാരണമെന്നാണ് വിവരം.
Advertisement
