കുണ്ടറ: വിദ്യാര്‍ത്ഥികളെ വഴിയില്‍ തടഞ്ഞുനിര്‍ത്തി മര്‍ദ്ദിച്ച കേസിലെ പ്രതി പിടിയില്‍. പേരയം പടപ്പക്കര കരിക്കുഴി സരിത ഭവനില്‍ രജിനെ (27) ആണ് കുണ്ടറ പോലീസ് അറസ്റ്റ് ചെയ്തത്. കഴിഞ്ഞ മാസം 10ന് വൈകിട്ട് 5.30ന് ആശുപത്രിമുക്ക്-കാഞ്ഞിരകോട് റോഡില്‍ ആയിരുന്നു കേസിന് ആസ്പദമായ സംഭവം. കോളേജ് വിട്ട ശേഷം വഴിയരികില്‍ സുഹൃത്തുക്കളുമായി സംസാരിച്ച് നില്‍ക്കുകയായിരുന്ന വിദ്യാര്‍ഥിനിയെ ഓട്ടോറിക്ഷയില്‍ പോയ 4 അംഗ സംഘം അശ്ലീല ചുവയോടെ കമന്റ് അടിച്ചു. ഇത് ചോദ്യം ചെയ്ത സുഹൃത്തുകളെ അക്രമി സംഘം കമ്പി വടി ഉപയോഗിച്ച് മര്‍ദ്ദിക്കുകയായിരുന്നു.
വിദ്യാര്‍ത്ഥികളുടെ കൈയ്യില്‍ ഉണ്ടായിരുന്ന ഫോണും ബാഗും പ്രതികള്‍ പിടിച്ചെടുത്തു. സംഘത്തിലെ ഒന്നും രണ്ടും പ്രതികളായ കുമ്പളം സ്വദേശികളായ പ്രഭാത്, ചെങ്കീരി അനീഷ് എന്നിവരെ നേരത്തെ അറസ്റ്റ് ചെയ്തിരുന്നു. സംഭവ ശേഷം ഒളിവില്‍ പോയ രജിനെ കുണ്ടറ എസ്എച്ച്ഒ അനില്‍കുമാറിന്റെ നേതൃത്വത്തില്‍ പിടികൂടുകയായിരുന്നു. കേസിലെ മൂന്നാം പ്രതി ഡോണല്‍ ഉടന്‍ പിടിയിലാകുമെന്ന് പോലീസ് അറിയിച്ചു.
