Advertisement
പോരുവഴി . അർബുദ രോഗം മൂലം ജീവിതം ദുരിതത്തിലായ വീട്ടമ്മയുടെ കടയിൽ മോഷണം. സ്റ്റേഷനറി സാധനങ്ങൾ മോഷ്ടിച്ചു.പള്ളിമുറി മുകളുവിളയിൽ ഷീജയുടെ മയ്യത്തുങ്കര ജംഗ്ഷനിൽ ഉള്ള കടയിലാണ് കഴിഞ്ഞ രാത്രിയിൽ മോഷണം നടന്നത്. ഇന്ന് രാവിലെയാണ് മോഷണ വിവരം ഇവർ അറിയുന്നത്. കടയുടെ പൂട്ട് പൊളിച്ചു അകത്തു കടന്ന മോഷ്ടാവ് കടയിലുണ്ടായിരുന്ന സാധനങ്ങൾ അപഹരിക്കുകയായിരുന്നു. സംഭവത്തെ തുടർന്ന് വീട്ടമ്മ ശൂരനാട് പോലീസിൽ പരാതി നൽകി. പോലിസ് സ്ഥലത്തെത്തി അന്വേഷണം ആരംഭിച്ചു. അർബുദ രോഗിയായ വീട്ടമ്മയുടെ ഭർത്താവ് പക്ഷാഘാതത്തെ തുടർന്ന് വർഷങ്ങളായി ചികിത്സയിലാണ്.ഉദാരമതികളായ നാട്ടുകാരുടെ സഹായത്തോടെ ആരംഭിച്ച കടയിലാണ് മോഷണം നടന്നത്.
Advertisement
