കൊല്ലം: ജോലി വാഗ്ദാനം നല്കി മൂന്ന് ലക്ഷം രൂപ തട്ടിയെടുത്ത സംഭവത്തില് പ്രതികള് പോലീസിന്റെ പിടിയിലായി. കുണ്ടറ ഇളംമ്പള്ളൂര് വിഷ്ണുഭവനത്തില് രതീഷിന്റെ ഭാര്യ വിഷ്ണുപ്രിയ(31), മരുത്തടി കന്നിമേല്ച്ചേരിയില് ബംഗ്ലാവില് വീട്ടില് വിനോദിന്റെ ഭാര്യ മിദ്യദത്ത്(34) എന്നിവരാണ് ഓച്ചിറ പോലീസിന്റെ പിടിയിലായത്. ക്ലാപ്പന സ്വദേശിയുടെ മകള്ക്ക് തിരുവനന്തപുരം ടെക്നോപാര്ക്കില് ജോലി ശരിയാക്കിനല്കാം എന്നു പറഞ്ഞ് പ്രതികള് എഴുപതിനായിരം രൂപ കൈപ്പറ്റുകയും തുടര്ന്ന് ജോലി ശരിയായെന്ന് അറിയിച്ച് വ്യാജമായി തയ്യാറാക്കിയ അപ്പോയിന്മെന്റെ് ലെറ്റര് കൈമാറി മൂന്ന് ലക്ഷം രൂപ തട്ടിയെടുക്കുകയായിരുന്നു.
ഒന്നാം പ്രതിയായ വിഷ്ണുപ്രിയയെ കെഎംഎംഎല്ലില് ജോലി വാഗ്ദാനം ചെയ്ത് പണം
തട്ടിയെടുത്തതിന് ചവറ പോലീസ് അറസ്റ്റ് ചെയ്തിട്ടുണ്ട്. ഈ കേസില് ജാമ്യത്തിലിറങ്ങിയാണ് ഇവര് വീണ്ടും തട്ടിപ്പ് നടത്തിയത്. ഓച്ചിറ പോലീസ് സബ് ഇന്സ്പെക്ടര് ഇബ്രഹിംകുട്ടിയുടെ നേതൃത്വത്തില് എസ്സിപിഒമാരായ അനു, സെബിന്, സബീദ, ഷംന എന്നിവര് ചേര്ന്നാണ് പ്രതികളെ പിടികൂടിയത്.
