Advertisement
കൊല്ലം: രാമന്‍കുളങ്ങരയില്‍ ഒാടിക്കൊണ്ടിരുന്ന കാറിന് തീപിടിച്ചു. മരുത്തടി കന്നിമേല്‍ സ്വദേശി പ്രദീപ് കുമാറിന്റെ കാറിനാണ് തീപിടിച്ചത്. അപകട സമയത്ത് പ്രദീപ് കുമാറും ഭാര്യയും കാറിലുണ്ടായിരുന്നു. കാറിന്റെ മുന്‍വശത്ത് നിന്ന് പുക ഉയരുന്നത് കണ്ടയുടന്‍ വാഹനം നിര്‍ത്തി ഇരുവരും പുറത്തിറങ്ങിയതിനാല്‍ വലിയ അപകടം ഒഴിവായി.
ഇന്നലെ രാവിലെ 11 ഓടെയായിരുന്നു അപകടം. ചാമക്കടയില്‍ നിന്ന് ഫയര്‍ഫോഴ്സെത്തി തീയണച്ചു. കാര്‍ പൂര്‍ണ്ണമായും കത്തിനശിച്ചു. സമീപത്തെ ട്രാന്‍സ്ഫോര്‍മറിലേക്ക് തീ പടരാതെ നോക്കിയതും അപകടം ഒഴിവാക്കി.
Advertisement
