Advertisement
കൊട്ടാരക്കര: കൊല്ലം റൂറൽ ജില്ലാ പോലീസ് സ്പോർട്സ് മീറ്റ് കൊട്ടാരക്കര ബോയിസ് സ്കൂൾ സ്‌റ്റേഡിയത്തിൽ തുടങ്ങി. തിരുവനന്തപുരം റേഞ്ച് ഡി.ഐ.ജി. എസ്.അജിത ബേഗം ഉദ്ഘാടനം ചെയ്തു. ജില്ലാ പോലീസ് മേധാവി കെ.എം.സാബു മാത്യുവിന്റെ അധ്യക്ഷതയിൽ എ.എസ്.പി. എം.ആർ.സതീഷ് കുമാർ, ഡി.വൈ.എസ്.പി.മാർ, കേരളാ പോലീസ് ഓഫീസേഴ്‌സ് അസോസിയേഷൻ, പോലീസ് അസോസിയേഷൻ ഭാരവാഹികൾ എന്നിവർ സംസാരിച്ചു. മത്സരങ്ങൾക്കു മുന്നോടിയായി രാവിലെ ഏഴിന് രവിനഗറിൽ നിന്നും ആരംഭിച്ച ദീപശിഖാ റാലിയും അജിതാ ബേഗം ഫ്‌ളാഗ് ഓഫ് ചെയ്തു. താരങ്ങളുടെ മാർച്ച് പാസ്റ്റും നടത്തി. കൊട്ടാരക്കര, പുനലൂർ, ശാസ്താംകോട്ട സബ് ഡിവിഷൻ ടീമുകളും ജില്ലാ പോലീസ് ആസ്ഥാന ടീമും മാർച്ച് പാസ്റ്റിൽ പങ്കെടുത്തു. മേള ശനിയാഴ്ച സമാപിക്കും. സമാപന സമ്മേളനം മന്ത്രി കെ.എൻ.ബാലഗോപാൽ ഉദ്ഘാടനം ചെയ്യും.
Advertisement
