പുനലൂര്‍: ആര്യങ്കാവില്‍ നിന്നും ഗുരുവായൂര്‍ എക്‌സ്പ്രസില്‍ അനധികൃതമായി കടത്തിക്കൊണ്ടുവന്ന 36 ലക്ഷം രൂപ റെയില്‍വേ പോലീസ് പിടികൂടി. സംഭവവുമായി ബന്ധപ്പെട്ട് ആലപ്പുഴ കാവാലം സ്വദേശി 52 വയസ്സുള്ള പ്രസന്നനെ പോലീസ് കസ്റ്റഡിയില്‍ എടുത്തു. പരിശോധനയില്‍ ബാഗില്‍ നിന്നും 500 രൂപയുടെ ബണ്ടിലുകള്‍ പിടികൂടുകയായിരുന്നു. പണം എവിടെനിന്നും കൊണ്ടുവന്നെന്നോ, ബാഗില്‍ എത്ര രൂപയുണ്ടെന്നോ, എവിടേക്ക് കൊണ്ടുപോകുന്നു എന്നോ വ്യക്തമായ മറുപടി നല്‍കാന്‍ പിടികൂടിയ ആള്‍ക്ക് കഴിഞ്ഞിട്ടില്ലെന്നും പോലീസ് പറഞ്ഞു. രണ്ടുമാസത്തിനുള്ളില്‍ ഇത് രണ്ടാം തവണയാണ് പുനലൂര്‍ ചെങ്കോട്ട പാതയില്‍ നിന്നും അനധികൃത പണം പിടികൂടുന്നത്
ആര്യങ്കാവ് വഴി തമിഴ്‌നാട്ടില്‍ നിന്നും കേരളത്തിലേക്ക് എത്തുന്ന ട്രെയിനില്‍ മോഷണം പെരുകുന്ന സാഹചര്യത്തില്‍ റെയില്‍വേ പോലീസ് സൂപ്രണ്ട് വി. കൃഷ്ണകുമാറിന്റെ നിര്‍ദാശാനുസരണം നടത്തിവരുന്ന പ്രത്യേക പരിശോധനയിലാണ് ഗുരുവായൂര്‍ എക്‌സ്പ്രസില്‍ നിന്നും 36 ലക്ഷം രൂപ പിടികൂടിയത്.
