കരുനാഗപ്പള്ളി:കുട്ടികളുടെ പ്രധാനമന്ത്രിയായി ചിറ്റുമൂല സ്വദേശിയായ അബ്റാർ.റ്റി.നാസിം തെരഞ്ഞെടുക്കപ്പെട്ടു.ജില്ലാ ശിശുക്ഷേമ സമിതി നവംബർ 14ന് കൊല്ലത്ത് നടത്തുന്ന ശിശുദിന റാലിയിലും പൊതുസമ്മേളനത്തിലും അബ്റാർ.റ്റി.നാസിം മത്രിമാരോടൊപ്പം വേദി പങ്കിടും.കൊല്ലം കേന്ദ്രീയ വിദ്യാലയത്തിലെ നാലാം ക്ലാസ് വിദ്യാർത്ഥിയായ അബ്റാർ.റ്റി.നാസിം ശിശുദിനാഘോഷത്തിനു മുന്നോടിയായി ജില്ലാ ശിശുക്ഷേമ സമിതി സംഘടിപ്പിച്ച പ്രസംഗ മത്സരത്തിൽ പങ്കെടുത്ത് വിജയിച്ചാണ് കുട്ടികളുടെ പ്രധാന മത്രിയായി തെരഞ്ഞെടുക്കപ്പെട്ടത്.കരുനാഗപ്പള്ളി ചിറ്റുമൂല തുറയിൽ വീട്ടിൽ ഡെപ്യൂട്ടി പ്രിസൺ ഓഫീസറായ നാസിമിന്റേയും അധ്യാപികയായ അഫ്സയുടേയും ഇളയ മകനാണ്.കരുനാഗപ്പള്ളി ബോയ്‌സ് ഹയർസെക്കന്ററി സ്കൂൾ പ്ലസ് വൺ വിദ്യാർത്ഥിയും കഴിഞ്ഞ വർഷത്തെ ജില്ലാ സംസ്ഥാന സ്കൂൾ കലോത്സവത്തിൽ പ്രസംഗ മത്സരത്തിൽ ഒന്നാം സ്ഥാനക്കാരനുമായിരുന്ന അഗസ്.റ്റി.നാസിം സഹോദരനാണ്.
