ശൂരനാട് . സി പി എം ശൂരനാട് ഏരിയ സമ്മേളനം ഇന്ന് തുടങ്ങും ചൊവ്വാഴ്ച വൈകിട്ട് 3 മണിക്ക് ശൂരനാട് രക്തസാക്ഷി മണ്ഡപത്തിൽ നിന്നും എൻ സന്തോഷ്‌ ക്യാപ്റ്റനായ പതാക ജാഥ സംസ്ഥാന കമ്മിറ്റി അംഗം കെ സോമപ്രസാദും,ഓച്ചിറ വയനകം രക്തസാക്ഷി മണ്ഡപത്തിൽ നിന്നും ആരംഭിക്കുന്ന ബാബു കൊപ്പാറ ക്യാപ്റ്റാനായുള്ള കൊടിമര ജാഥ സംസ്ഥാന കമ്മിറ്റി അംഗം സൂസൻ കോടിയും ,മണിയൻ രക്തസാക്ഷി മണ്ഡപത്തിൽ നിന്നും എസ് സുരേഷ് ക്യാപ്റ്റനായുള്ള ദീപ ശിഖാ ജാഥ ജില്ലാ സെക്രട്ടറിയേറ്റ് അംഗം എം ശിവശങ്കരപ്പിള്ളയും ഉദ്ഘാടനം ചെയ്യും
തുടർന്ന് ജാഥകൾ ഇരു ചക്ര വാഹനങ്ങളുടെ അകമ്പടിയോടെ സമ്മേളന നഗരിയിൽ എത്തി ചേരും. 13 നു രാവിലെ കോടിയേരി ബാലകൃഷ്ണൻ നഗറിൽ ചേരുന്ന പ്രതിനിധി സമ്മേളനം സി പി ഐ എം കേന്ദ്ര കമ്മിറ്റി അംഗം സി എസ് സുജാത ഉദ്ഘാടനം ചെയ്യും, വൈകിട്ട് 6.30 മുതൽ വിവിധ സാംസ്കാരിക പരിപാടികളും.നടക്കും നവംബർ 14 വ്യാഴാഴ്ചയും തുടരുന്ന പ്രതിനിധി സമ്മേളനത്തിന് ശേഷം വൈകിട്ട് 4 മണി റെഡ് വാളണ്ടിയർ മാർച്ചും തുടർന്ന് ചേരുന്ന പൊതു സമ്മേളനവും ചേരും, സംസ്ഥാന സെക്രട്ടറിയേറ്റ് അംഗം പുത്തലത്ത് ദിനേശൻ പൊതു സമ്മേളനം ഉദ്ഘാടനം ചെയ്യും. സമ്മേളനത്തിൽ സി പി ഐ എം ജില്ലാ സെക്രട്ടറി എസ് സുദേവൻ, സംസ്ഥാന കമ്മിറ്റി അംഗങ്ങളായ കെ സോമപ്രസാദ്, സൂസൻ കോടി, ജില്ലാ സെക്രട്ടറിയേറ്റ് അംഗങ്ങളായ എം ശിവശങ്കരപ്പിള്ള,എസ് ജയമോഹൻ, ഡി ബാൽഡുവിൻ, റ്റി മനോഹരൻ, സി രാധാമണി തുടങ്ങിയവർ പങ്കെടുക്കുമെന്നും ജില്ലാ സെക്രട്ടറിയേറ്റ് അംഗങ്ങളായ എം ശിവശങ്കരപ്പിള്ള, ഏരിയ സെക്രട്ടറി പി ബി സത്യദേവൻ, സംഘാടക സമിതി ഭാരവാഹികളായ കെ പ്രദീപ്, എൻ സന്തോഷ്‌ എന്നിവർ വാർത്ത സമ്മേളനത്തിൽ അറിയിച്ചു
