Advertisement
പുനലൂര്‍: മണ്ഡലകാലം പ്രമാണിച്ച് കെഎസ്ആര്‍ടിസിയുടെ പുനലൂര്‍ ഡിപ്പോയില്‍ നിന്നും 15 മുതല്‍ രണ്ട് സ്പെഷ്യല്‍ സര്‍വീസ് നടത്തും. പുലര്‍ച്ചെ ആറിനും രാത്രി എട്ടിനും ബസുകള്‍ പുറപ്പെടും. ഇതില്‍ സീറ്റുറപ്പിക്കുന്നതിന് റിസര്‍വേഷന്‍ ആരംഭിച്ചിട്ടുണ്ട്. കെഎസ്ആര്‍ടിസിയുടെ ഔദ്യോഗിക വെബ്സൈറ്റിലൂടെ സീറ്റുകള്‍ ബുക്ക് ചെയ്യാം. ആവശ്യമെന്ന് കണ്ടാല്‍ ഇനിയും സ്പെഷ്യല്‍ സര്‍വീസ് അനുവദിച്ചേക്കും.
റെഗുലര്‍ സര്‍വീസുകള്‍ക്ക് പുറമേ യാത്രക്കാര്‍ നിറയുന്നതനുസരിച്ച് കൂടുതല്‍ സര്‍വീസയയ്ക്കും. സംഘമായി വരുന്ന ഭക്തര്‍ക്ക് മുന്‍കൂട്ടി ബസ് ബുക്ക്ചെയ്യാനും സൗകര്യമൊരുക്കിയിട്ടുണ്ട്. ഇതിനായി 0475 2222626 എന്ന നമ്പരില്‍ ബന്ധപ്പെടാം.
Advertisement
