Advertisement
അഞ്ചല്‍: അഞ്ചലില്‍ ബൈക്ക് നിയന്ത്രണംവിട്ട് വൈദ്യുതി പോസ്റ്റില്‍ ഇടിച്ചു കയറി യുവാവിന് ദാരുണാന്ത്യം. ഏരൂര്‍ അയിലറ വേലന്‍കുഴി ചരുവിള പുത്തന്‍വീട്ടില്‍ സുബിന്‍ ആണ് മരിച്ചത്. അഞ്ചല്‍ ചീപ്പുവയല്‍ ഭാഗത്ത് വാടകയ്ക്ക് താമസിച്ചു വരികയായിരുന്നു.
കഴിഞ്ഞ ദിവസം പുലര്‍ച്ചെ അഞ്ചല്‍-പുനലൂര്‍ പാതയില്‍ കൊല്ലം അര്‍ബന്‍ നിധിക്ക് മുന്നിലായിരുന്നു അപകടം. പോലീസും നാട്ടുകാരും ചേര്‍ന്ന് ഉടന്‍തന്നെ സുബിനെ അഞ്ചലിലെ സ്വകാര്യാശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. ഇടിയുടെ ആഘാതത്തില്‍ വൈദ്യുത പോസ്റ്റ് ഒടിഞ്ഞു മാറിയ നിലയിലാണ്. ബൈക്കിന്റെ മുന്‍ഭാഗവും പൂര്‍ണ്ണമായും തകര്‍ന്നിട്ടുണ്ട്. അമിതവേഗതയില്‍ എത്തിയ ബൈക്ക് നിയന്ത്രണം വിട്ട് ഫുട്പാത്തിലെ കൈവരിക്കുള്ളിലുള്ള വൈദ്യുതി പോസറ്റില്‍ ഇടിക്കുകയായിരുന്നു. അഞ്ചല്‍ പോലീസ് നിയമ നടപടി സ്വീകരിച്ചു.
Advertisement
