ഭരണിക്കാവ്. വ്യാപാരികൾ നിലനില്പിനായി രാഷ്ട്രീയ ശക്തിയായി മാറണമെന്ന് കേരള വ്യാപാരി വ്യവസായി ഏകോപന സമിതി സംസ്ഥാന ട്രഷറർ എസ്. ദേവരാജൻ ആവശ്യപ്പെട്ടു. ശാസ്താംകോട്ടയിൽ കേരള വ്യാപാരി വ്യവസായി ഏകോപന സമിതി കുന്നത്തൂർ നിയോജക മണ്ഡലം കമ്മറ്റി രൂപീകരണ യോഗം ഉദ്ഘാടനം ചെയ്തു സംസാരിക്കുകയായിന്നു അദ്ദേഹം. കെട്ടിടവാടകക്ക് ഏർപ്പെട്ടത്തിയ 18% ജി.എസ്.ടി തീരുമാനം പിൻവലിക്കണമെന്നും അല്ലെങ്കിൽ പാർലമെൻ്റ് മാർച്ചടക്കമുള്ള സമരങ്ങൾ സംഘടിപ്പിക്കുമെന്നും അദ്ദേഹം അറിയിച്ചു.
കൊല്ലം ജില്ലാ ജനറൽ സെക്രട്ടറി ജോജോ കെ എബ്രഹാം അദ്ധ്യക്ഷത വഹിച്ച യോഗത്തിൽ ജില്ലാ വൈസ് പ്രസിഡൻ്റ് എ.കെ. ഷാജഹാൻ, ജില്ലാ സെക്രട്ടറി ആൻ്റണി പാസ്റ്റർ, എ.നിസാം,ജി.കെ. രേണുകുമാർ, നിസാം മൂലത്തറ എന്നിവർ സംസാരിച്ചു
നിയോജക മണ്ഡലം ഭാരവാഹികളായി എ.കെ. ഷാജഹാൻ ( പ്രസിഡൻ്റ്), എ.നിസാം (ജനറൽ സെക്രട്ടറി), ജി.കെ. രേണുകുമാർ ( ട്രഷറർ),ആൻ്റണി പാസ്റ്റർ, നിസാം മൂലത്തറ, പി.എൻ. ഉണ്ണികൃഷ്ണൻ നായർ, കേരള മണിയൻപിള്ള (വൈസ് പ്രസിഡൻ്റുമാർ), എസ്. ഷിഹാബുദ്ദീൻ, കൈലാസ് രവീന്ദ്രൻ പിള്ള, ജലാലുദ്ദീൻ കളിക്കൽ, ബഷീർ ഒല്ലായിൽ (സെക്രട്ടറിമാർ) എന്നിവരെ തിരഞ്ഞെടുത്തു.
