Advertisement
ചാത്തന്നൂര്‍: കെഎസ്ആര്‍ടിസി സൂപ്പര്‍ഫാസ്റ്റ് ബസില്‍ ദേശീയപാത നിര്‍മ്മാണ കമ്പനിയുടെ മണ്ണ് മാന്തി യന്ത്രം ഇടിച്ച് എട്ട് പേര്‍ക്ക് പരിക്ക്. രാജസ്ഥാന്‍ സ്വദേശികളായ രഘുവീര്‍പ്രസാദ് (64)ഭാര്യ പ്രതിഭ (65),നിഖില്‍കൃഷ്ണ (25), ബിജു. എ(45)ഹിജി (48),ലിസി(60),ആദിത്യന്‍(9)സൈജു (40)എന്നിവര്‍ക്കാണ് പരിക്കേറ്റത്. പരിക്കേറ്റവരെ പാരിപ്പള്ളി മെഡിക്കല്‍ കോളേജില്‍ പ്രവേശിപ്പിച്ചു. കൊല്ലം -തിരുവനന്തപുരം ദേശിയപാതയില്‍ കല്ലുവാതുക്കല്‍ പഞ്ചായത്ത് ഹൈസ്‌കൂളിന് മുന്നില്‍ വച്ചാണ് അപകടം ഉണ്ടായത്. തിരുവനന്തപുരം ഭാഗത്ത് നിന്നും എറണാകുളത്തേക്ക് പോകുകയായിരുന്ന കെ എസ് ആര്‍ ടി സി സൂപ്പര്‍ ഫാസ്റ്റ് ബസിന്റെ മുന്‍വശത്ത് നിര്‍മ്മാണപ്രവര്‍ത്തനം നടത്തി കൊണ്ടിരുന്ന കൂറ്റന്‍ മണ്ണ് മാന്തി യന്ത്രത്തിന്റെ കൈ ഇടിക്കുകയായിരുന്നു.