ശാസ്താംകോട്ട: കേരള കോൺഗ്രസ് എം കുന്നത്തൂർ നിയോജക മണ്ഡലം പ്രസിഡൻ്റ് അഡ്വ.കുറ്റിയിൽ ഷാനവാസ് പാർട്ടി വിട്ടു.കഴിഞ്ഞ രണ്ട് വർഷമായി നിയോജക മണ്ഡലം പ്രസിഡൻറായി പ്രവർത്തിക്കുകയായിരുന്നു.കഴിഞ്ഞ കുറെ കാലമായി പാർട്ടിയുടെ സാമുദായികപരമായ നിലപാടിൽ വിയോജിച്ചു കൊണ്ടാണ് പാർട്ടിയുടെ പ്രാഥമിക അംഗത്വവും നിയോജക മണ്ഡലം പ്രസിഡൻറ് സ്ഥാനവും രാജിവെയ്ക്കുന്നതെന്ന് അദ്ദേഹം പറഞ്ഞു.
മുസ്ലിം സമുദായത്തിനെ ഒറ്റപ്പെടുത്താനും ഇകഴ്ത്തികെട്ടാനും പാർട്ടിയിലുള്ള കുറെ നേതാക്കൻന്മാർ കഴിഞ്ഞ കുറെ നാളായി പരിശ്രമിച്ചു വരികയാണ്. ഇക്കാര്യം കേരള കോൺഗ്രസിൻ്റെ സ്റ്റേറ്റ് ഗ്രൂപ്പിൽ നോക്കിയാൽ മനസിലാകുമെന്നും, അതുമായി പൊരുത്തപ്പെടാൻ കഴിയാത്തതുകൊണ്ടും, മുസ്ലിം സമുദായത്തിൻ്റെ ഒരു സംസ്ഥാന തല നേതാവായതുകൊണ്ട് അതിന് സമാധാനം പറയേണ്ടി വരും, മാത്രവുമല്ല ഇത്തരത്തിൽ പാർട്ടിയുമായി പൊരുത്തപ്പെട്ട് പോകാൻ കഴിയാത്തതുകൊണ്ടാണ് രാജിയെന്നും ഷാനവാസ് പറഞ്ഞു.
