Advertisement
കുന്നത്തൂർ:കാർ യാത്രികരെ രക്ഷപ്പെടുത്താനുള്ള ശ്രമത്തിനിടെ കുന്നത്തൂർ പാലത്തിനു സമീപം സ്വകാര്യ ബസ് വൈദ്യുത പോസ്റ്റിലേക്ക് ഇടിച്ചു കയറി.ഇന്ന് വൈകിട്ട് 5.15 ഓടെയാണ് സംഭവം.കൊട്ടാരക്കരയിൽ നിന്നും കരുനാഗപ്പള്ളിയിലേക്ക് നിറയെ യാത്രക്കാരുമായി വരികയായിരുന്ന കൃഷ്ണപ്രിയ എന്ന ബസ്സാണ് അപകടത്തിൽപ്പെട്ടത്.എതിർ ദിശയിൽ നിന്നും അലക്ഷ്യമായെത്തിയ കാറിൽ ഇടിക്കാതിരിക്കാൻ വെട്ടിത്തിരിച്ചപ്പോഴാണ് പോസ്റ്റിൽ ഇടിച്ചത്.ഇടിയുടെ ആഘാതത്തിൽ പോസ്റ്റ് നിലംപതിച്ചു.അപകടം നടന്ന ഭാഗം ഉൾപ്പെടെ വലിയ താഴ്ചയാണ്.ബസ്സ് പോസ്റ്റിൽ തട്ടി നിന്നതിനാൽ താഴേക്ക് പതിച്ചില്ല.ഇതിനാൽ തലനാരിഴയ്ക്ക് വൻ ദുരന്തമാണ് വഴിമാറിയത്.ശാസ്താംകോട്ടയിൽ നിന്നും പൊലീസും സ്ഥലത്ത് എത്തിയിരുന്നു.അപകടത്തെ തുടർന്ന് മേഖലയിൽ തകരാറിലായ വൈദ്യുതി ബന്ധം രാത്രിയോടെ പുന:സ്ഥാപിച്ചു
Advertisement
