ശാസ്താംകോട്ട. എൻ. ആർ. ഇ. ജി. വർക്കേഴ്സ് യൂണിയൻ ശാസ്താംകോട്ട പഞ്ചായത്ത് കമ്മിറ്റിയുടെ നേതൃത്വത്തിൽ ശാസ്താംകോട്ട ഹെഡ് പോസ്റ്റ് ഓഫീസിലേക്ക് മാർച്ചും ധർണയും
നടത്തി. തൊഴിൽ ദിനങ്ങൾ വർദ്ധിപ്പിക്കുക, തൊഴിലിടങ്ങളിലെ അശാസ്ത്രീയമായ ഫോട്ടോ എടുപ്പ് സംവിധാനം നിർത്തലാക്കുക, കൂലി വർദ്ധനവ് നടപ്പിലാക്കുക തുടങ്ങി വിവിധ ആവശ്യങ്ങൾ ഉന്നയിച്ചാണ് തൊഴിലാളികൾ ധർണ നടത്തിയത്. പോസ്റ്റ് ഓഫീസിന് മുന്നിൽ നടന്ന ധർണ യൂണിയൻ സംസ്ഥാന കമ്മിറ്റി അംഗം എൻ. യശ്പാൽ ഉദ്ഘാടനം ചെയ്തു.
പഞ്ചായത്ത് കമ്മറ്റി പ്രസിഡന്റ് ലത അധ്യക്ഷത വഹിച്ചു. സെക്രട്ടറി ജി ബാഹുലേയൻ. സി. പി. ഐ. എം ഏരിയ കമ്മിറ്റിഅംഗം സെഡ്. ആന്റണി യൂണിയൻ ഏരിയ കമ്മിറ്റി അംഗങ്ങളായ എസ്. ദിലീപ് കുമാർ, ബി സി പിള്ള, ഗ്രാമപഞ്ചായത്ത് സ്ഥിരം സമിതി അധ്യക്ഷരായ ഉഷാകുമാരി, പ്രസന്നകുമാരി, പഞ്ചായത്ത് അംഗങ്ങളായ പ്രീതകുമാരി, നസീമ, സുകേശൻ എന്നിവർ പ്രസംഗിച്ചു.
