കരുനാഗപ്പള്ളി: വ്യാജ പരാതിയുടെ അടിസ്ഥാനത്തിൽ ദൂരസ്ഥലത്തേക്ക് ഡോക്ടർ സി.എൻ നഹാസിനെ സ്ഥലം മാറ്റിയതിൽ പ്രതിഷേധിച്ച് നാട്ടുകാരും രോഗികളും, എച്ച്ആർപിഎം പ്രവർത്തകരും പുതിയകാവ് നെഞ്ചു രോഗ ആശുപത്രിയുടെ മുൻപിൽ ജനകീയ സമരംസംഘടിപ്പിച്ചു.
കരുനാഗപ്പള്ളി പുതിയകാവിലെ നെഞ്ച് രോഗ ആശുപത്രിയിലെ ഡോക്ടർ സി എൻ നഹാസിനെ (യൂസുഫ് കുഞ്ഞ് കാട്ടുപുറം) എന്ന വ്യാജ മേൽവിലാസം നൽകി ദൂരസ്ഥലത്തേക്ക് മാറ്റിയതിൽ പ്രതിഷേധിച്ച് എച്ച് ആർ പി എം പ്രവർത്തകരും രോഗികളും നാട്ടുകാരും ചേർന്ന് ജനകീയ സമരം സംഘടിപ്പിച്ചു. ദിവസേന 400ൽ പരം ഒപിയും എഴുപതോളം കിടപ്പ് രോഗികളുമുള്ള പതിനഞ്ചോളം റ്റി.ബി രോഗികളുമുള്ള നെഞ്ച് രോഗ ആശുപത്രിക്ക് 24 മണിക്കൂറും നെഞ്ചുരോഗ ഡോക്ടറുടെ സേവനം അത്യാവശ്യമാണ്. ഇത് മനസ്സിലാക്കാതെ മാനുഷിക പരിഗണന പാവങ്ങ ളായ രോഗികൾക്ക് നൽകാതെയാണ് ഡോക്ടർക്ക് എതിരെ വ്യാജ പരാതി നൽകിയത്. കൊല്ലം, പത്തനംതിട്ട, ആലപ്പുഴ എന്നീ ജില്ലകളിൽ നിന്നും നുറുകണക്കിന് വരുന്ന രോഗികൾ ചികിത്സ കിട്ടാതെ വിഷമത്തോടെ തിരികെ പോവുകയും അവർക്ക് ചികിത്സ കിട്ടാതെ മരണത്തോട് മല്ലടിക്കുന്ന അവസ്ഥയാണ് ഉണ്ടായിരിക്കുന്നത്. ഇത്തരത്തിലുള്ള വ്യാജ പരാതിക്കാരെ അധികാരികൾ കണ്ടെത്തുന്നത് വരെ ജനകീയ സമരവും സത്യാഗ്രഹവും സംഘടിപ്പിക്കുമെന്ന് സമരത്തിൽ ഐക്യകണ്ഠേന തീരുമാനിച്ചു.
ഈ ജനകീയ സമരം എച് ആർ പി എം സംസ്ഥാന വനിതാ പ്രസിഡൻ്റ് അനിത സന്തോഷ് ഉദ്ഘാടനം ചെയ്തു. യോഗത്തിന് അധ്യക്ഷനായി എച്ച് ആർ പി എം എക്സിക്യൂട്ടീവ് മെമ്പർ ഭൻസരിദാസ് അധ്യക്ഷത വഹിച്ചു. യോഗത്തിൻ്റെ ആശംസ അറിയിച്ചുകൊണ്ട് സുഭാഷ് ബാലൻ, ചിറ്റുമൂല നാസർ, സഫീർ കരീശ്ശേരിൽ, എച്ച് അബ്ദുൽസലാം, ഷറഫുദ്ദീൻ ,ഹാഷിം നന്മ എന്നിവർ സംസാരിച്ചു.
