കൊല്ലം. സർക്കാർ ജീവനക്കാരായി ശമ്പളം വാങ്ങുകയും പാവപെട്ടവർക്കുള്ള സാമൂഹ്യ സുരക്ഷ പെൻഷൻ നിയമവിരുദ്ധമായി കൈപ്പറ്റുകയും ചെയ്ത ജീവനക്കാരെ സർവ്വീ സിൽ നിന്ന് പിരിച്ചുവിടുകയും സർവീസ് പെൻഷൻ കാരിൽ നിന്നും പലിശയടക്കമുള്ള തുക ഈടാക്കാനും സർക്കാർ അടിയന്തിര നടപടി സ്വീകരിക്കണമെന്ന് വൊക്കേഷണൽ ഹയർ സെക്കൻഡറി നോൺ വൊക്കേഷണൽ ലെക് ച റേ ഴ്സ് അസോസിയേഷൻ ആവശ്യപ്പെട്ടു.
സർവീസിൽ ഇരുന്നു കൊണ്ട് സാമൂഹ്യ സുരക്ഷാ പെൻഷന് അപേക്ഷ നൽകുകയും അത് പാസാക്കി കൊടുക്കുകയും ചെയ്ത ജീവനക്കാർ ഒരുപോലെ തെറ്റുകാരാണ്. ഇവരുടെ പേര് വിവരം എല്ലാ പഞ്ചായത്ത് ഓഫീസുകളിലും പ്രസിദ്ധീകരിക്കുവാനും ശക്തമായ നിലപാട് സ്വീകരിക്കാനും സർക്കാർ തയ്യാറാകണം. ഇത്ര വലിയ തെറ്റ് ചെയ്തിട്ടും നടപടിയെടുക്കുന്നതിൽ സർക്കാർ ഉദാ സീ നത കാണിക്കുകയാണ്. ദേശീയ ധനകാര്യ കമ്മീഷൻ കേരളം സന്ദർശിക്കാൻ തീരുമാനിച്ചിരിക്കുകയാണ്. സാമ്പത്തിക പരാധീനതയുള്ള സംസ്ഥാനം സാമ്പത്തിക തിരി മറിക്കെതിരെ നടപടി എടുക്കാത്തത് ധനകാര്യ കമ്മീഷന്റെ ശ്രദ്ധയിൽപ്പെടു ന്നത് സംസ്ഥാനത്തിനെ ദോഷകരമായി ബാധിക്കും. പെൻഷൻ കൈപ്പറ്റിയ ജീവനക്കാരുടെയും സർവീസ് പെൻഷൻകാരുടെയും പേര് വിവരം പ്രസിദ്ധപ്പെടുത്തി അഴിമതി രഹിത സിവിൽ സർവീസിനെ ശക്തിപ്പെടുത്താൻ സർക്കാർ തയ്യാറാവണമെന്നും അസോസിയേഷൻ ആവശ്യപ്പെട്ടു.
സംസ്ഥാന പ്രസിഡണ്ട് പി.ടി ശ്രീകുമാർ അധ്യക്ഷത വഹിച്ചു.ചെയർമാൻ ഷാജി പാരിപ്പള്ളി ഉദ്ഘാടനം ചെയ്തു.ജനറൽ സെക്രട്ടറി കെ. ഗോപകുമാർ റിപ്പോർട്ട് അവതരിപ്പിച്ചു. ട്രഷറർ സജീവ് ആർ, മോഹൻദാസ്, അരുൺ പി.എസ്, സന്തോഷ്.എ എസ്. എന്നിവർ സംസാരിച്ചു.
