പടിഞ്ഞാറെ കല്ലട: പിണറായിയുടെ നേതൃത്വത്തിലുള്ള ഇടതു സർക്കാർ കഴിഞ്ഞ 8 വർഷക്കാലമായി കേരളത്തിലെ സാധാരണക്കാരന്റെ ജീവിതം ദുസ്സഹമാക്കിയിരിക്കുകണെന്നാണ് ഇക്കഴിഞ്ഞ ദിവസങ്ങളിലെ വൈദ്യുതി ചാർജ്ജ് വർധനവിലൂടെ വീണ്ടും തെളിയിക്കുന്നത്. ഇതോടൊപ്പം ഉണ്ടായിക്കൊണ്ടിരിക്കുന്ന വിലക്കയറ്റവും സാധാരണക്കാരന് സഹിക്കാവുന്നതിനും അപ്പുറമാണ്. എല്ലാ മേഖലയിലെയും സർക്കാർ ഫീസുകൾ വർധിപ്പിക്കുകയും psc ലിസ്റ്റുകളെ നോക്കുകുത്തികളാക്കി പിൻവാതിൽ നിയമനവും ബന്ധു നിയമനവും നടത്തി വലിയ അഴിമതി നടത്തി മുന്നോട്ടു പോകുന്നു ഇടതു സർക്കാരിനെതിരെയുള്ള ജനവിധിയായിരിക്കും കേരളത്തിലെ തദ്ദേശ സ്ഥാപനങ്ങളിലെ ഉപതിരഞ്ഞെടുപ്പുകളിൽ ഉണ്ടാകുകയെന്ന് എ.ഐ.സി.സി സെക്രട്ടറി പിസി വിഷ്ണുനാഥ്‌ എം. എൽ. പറഞ്ഞു.
പടിഞ്ഞാറെകല്ലട നടുവിലക്കര വാർഡ് ഉപതിരഞ്ഞെടുപ്പിൽ ഐക്യജനാധിപത്യ മുന്നണി സ്ഥാനാർഥി അഖിലയുടെ തിരഞ്ഞെടുപ്പ് പര്യടനപരിപാടി ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം. മണ്ഡലം പ്രസിഡന്റ്‌ കടപുഴ മാധവൻപിള്ള അധ്യ ക്ഷത വഹിച്ചു. ശ്രീമതി അഖില, എംവി ശശികുമാരൻ നായർ, കാരുവള്ളിൽ ശശി, വൈ. ഷാജഹാൻ, കല്ലട ഗിരീഷ്, തൃദീപ് കുമാർ, തുണ്ടിൽ നൗഷാദ്, പിഎം സൈദ്, കോട്ടാങ്ങൽ രാമചന്ദ്രൻപിള്ള, ശിവരാമൻ, ഉല്ലാസ് കോവൂർ, കാരാളി വൈ. എ. സമദ്, സുഭാഷ് എസ് കല്ലട, കുഴിവേലിൽ ബാബു, ബീനാകുമാരി, തടത്തിൽ സലിം, ജോൺ പോൾസ്റ്റഫ്, ദിനകർ കോട്ടക്കുഴി, ഉണ്ണികൃഷ്ണൻ,സുരേഷ് ചന്ദ്രൻ,ഗീവർഗീസ്, അംബുജാക്ഷിയമ്മ, അശോകൻ, നൂർജഹാൻ, ബാബുക്കുട്ടൻ, ഡാർവിൻ, കിഷോർ, ഗിരീഷ് കാരാളി, വിഷ്ണു, കൃഷ്ണകുമാർ, അജിത് ചാപ്രായിൽ തുടങ്ങി നിരവധി നേതാക്കൾ പങ്കെടുത്തു.
