ശാസ്താംകോട്ട. ശുദ്ധജല തടാക തീരത്തു നിന്നും വ്യാപകമായി മണ്ണെടുക്കുവാൻ നിയമ വിരുദ്ധമായി അനുമതി നൽകിയ ജില്ലാ ജിയോളജിസ്റ്റിനെ സസ്‌പെൻഡ് ചെയ്ത് അന്വേഷണം നടത്തണമെന്ന് ഇന്ത്യൻ ആന്റി കറപ്ഷൻ മിഷൻ കുന്നത്തൂർ നിയോജക മണ്ഡലം കമ്മിറ്റി അവശ്യപ്പെട്ടു.തടാകത്തിനെ റാംസർ പട്ടികയിൽ ഉൾപ്പെടുത്തി തീരത്ത് നിർമ്മാണ പ്രവർത്തനങ്ങളും മണ്ണെടുപ്പും നിരോധിച്ച കലക്ടറുടെ ഉത്തരവിനെ മറികടന്നുകൊണ്ട് 35 സെന്റിലധികം ഭൂമിയിലെ മണ്ണെടുക്കാൻ അനുമതി നൽകിയ ജില്ലാ ജിയോളജിസ്റ്റിനെതിരെ കളക്ടർക്കും വിജിലൻസിനും പരാതി നൽകുവാനും തീരുമാനിച്ചു.280 മീറ്റർ സ്‌ക്വയർ വലിപ്പമുള്ള വീടിനാണ് പഞ്ചായത്ത്‌ അനുമതി നൽകിയത്. നിർമ്മാണ പ്രവർത്തനം നിരോധിച്ച സ്ഥലത്ത് വീടിന് അനുമതി നൽകിയതും അന്വേഷണ വിധേയമാക്കണം.ഇടത്തറ ഷാജഹാൻ അധ്യക്ഷത വഹിച്ചു.സംസ്ഥാന ജനറൽ സെക്രട്ടറിപി.ടി ശ്രീകുമാർ ഉദ്ഘാടനം ചെയ്തു.കെ.പി ചന്ദ്രൻ,തോമസ് വൈദ്യൻ,ബി.കൃഷ്ണകുമാർ,ശ്രീരാജ് ചിറ്റക്കാട്ട് എന്നിവർ സംസാരിച്ചു.
