Advertisement
കൊട്ടിയം: കടലിൽ കുളിക്കാനിറങ്ങിയ വിദ്യാർഥി തിരയിൽപ്പെട്ട് മരിച്ചു. ഇരവിപുരം സ്നേഹതീരം സൂനാമി ഫ്ലാറ്റിൽ ജോയിയുടെയും റാണിയുടെയും മകൻ ജോമോനാ(14)ണ് മരിച്ചത്. കൊല്ലം സെൻ്റ് അലോഷ്യസ് സ്കൂളിലെ പത്താം ക്ലാസ് വിദ്യാർഥിയാണ്. ഇന്ന് ഉച്ചയ്ക്ക് 12ഓടെയായിരുന്നു അപകടം. സുഹ്യത്തുക്കൾക്ക് ഒപ്പം മയ്യനാട് താന്നിയിൽ കടലിൽ കുളിക്കാനിറങ്ങവെ തിരയിൽപ്പെടുകയായിരുന്നു. വിവരമറിയിച്ചതിനെത്തുടർന്ന് പൊലിസും അഗ്നി രക്ഷാ സേനാംഗങ്ങളും സ്ഥലത്തെത്തി തെരച്ചിൽ നടത്തിയെങ്കിലും കണ്ടെത്താനായില്ല. തുടർന്ന് വെെകിട്ട് മൂന്നോടെ മത്സ്യത്തൊഴിലാളികളുടെ വലയിൽ ജോമോന്റെ മൃതദേഹം കുടുങ്ങുകയായിരുന്നു. തുടർന്ന് പുറത്തെടുത്ത ശേഷം മൃതദേഹം പാരിപ്പള്ളി മെഡിക്കൽ കോളജാശുപത്രിയിലേക്ക് മാറ്റി. ഇരവിപുരം പൊലിസ് കേസെടുത്തു.
Advertisement
