ശാസ്താംകോട്ട: പടിഞ്ഞാറെകല്ലട പഞ്ചായത്തിൽ പുതുശ്ശേരി മുകളിലെകുന്നി ടി ക്കലുമായിബന്ധപ്പെട്ട് പഞ്ചായത്ത് പ്രസിഡന്റ് സി.ഉണ്ണികൃഷ്ണൻ നാടകം കളി അവസാനിപ്പിക്കണമെന്ന് ആർ.വൈ.എഫ് ദേശീയ ജോയിന്റ് സെക്രട്ടറിപുലത്തറനൗഷാദ് ആവശ്യപ്പെട്ടു.
പഞ്ചായത്ത് കമ്മിറ്റിയിൽ വിഷയംഉന്നയിച്ച യു.ഡി.എഫ് പാർലമെന്ററി പാർട്ടി ലീഡർ ബി. ത്രിദീപ് കുമാറിനോട് വ്യകതമായ മറുപടി നൽകാതെ കുന്നി ടിക്കലിനെ വീട് വെയ്ക്കാൻ എന്ന വ്യാജേനനിസാരവൽക്കരിച്ചപ്രസിഡന്റ് യു.ഡി.എഫ് ജനപ്രതിനിധികൾ പഞ്ചായത്തിന് മുന്നിൽസമരം ചെയ്തപ്പോഴാണ് ബിൽഡിങ്ങ് പെർമിറ്റ്റദ്ദ്ചെയ്ത് കളക്ടർക്ക് പരാതി കൊടുക്കൽ എന്ന നാടകം കളിച്ചത്. ആസമയത്തും1703 ലോഡ് മണ്ണ് എടുക്കാൻ പഞ്ചായത്ത് നൽകിയശുപാർശയുടെ കാര്യം മറച്ച് വെയ്ക്കുകയായിരുന്നു. ജില്ലാജിയോജിസ്റ്റ് വെളിപ്പെടുത്തിയപ്പോഴാണ് സത്യം പുറത്തായത് . ഒന്നും മറക്കാനില്ലങ്കിൽഎന്ത് കൊണ്ട് ശുപാശ പഞ്ചായത്ത് കമ്മിറ്റിയിൽ വെച്ചില്ല. സമാനമായ ശുപാർയുടെബലത്തിൽ പല വാർഡുകളിലും ഇത്തരംമണ്ണ് എടുപ്പുകൾ നടന്നിട്ടുണ്ട്. ഇത് സംബന്ധിച്ച് സമഗ്രമായ അന്വോഷണം നടത്തണം. ബിൽഡിങ്ങ് പെർമിറ്റിന്റെയും പഞ്ചായത്ത് ശുപാർശയുടെ അടിസ്ഥാനത്തിലാണ് 1703 ലോഡ് മണ്ണ് കുന്നിടിച്ച് നിരത്തി എടുക്കാൻ അനുമതി നൽകിയതെന്ന ജില്ലാജിയോളിസ്റ്റിന്റ് വെളിപ്പെടുത്തിയ സാഹചര്യത്തിൽ ഇതിൽ വൻ അഴിമതി നടന്നിട്ടുണ്ടെന്നും ഉത്തരവാദിത്വം ഏറ്റെടുത്ത് പഞ്ചായത്ത് പ്രസിഡന്റ് സി.ഉണ്ണികൃഷ്ണൻ രാജി വെയ്ക്കണമെന്നും പുലത്തറനൗഷാദ് ആവശ്യപ്പെട്ടു. അഴിമതി കാരനായ മണ്ണ് മാഫിയ കൂട്ടാളിയായ പഞ്ചായത്ത് പ്രസിഡന്റ് രാജി വെയ്ക്കണമെന്ന് ആവശ്യപ്പെട്ട് യു .ഡി.വൈ.എഫ്പടിഞ്ഞാറെ കല്ലട മണ്ഡലം കമ്മിറ്റി പഞ്ചായത്താഫീസിലേക്ക് നടത്തിയ പ്രതിഷേധമാർച്ച് ഉദ്ഘാടനം ചെയ്യുകയായിരുന്നു അദ്ദേഹം. യൂത്ത് കോൺഗ്രസ്സ് മണ്ഡലം പ്രസിഡന്റ് കല്ലട ഉണ്ണികൃഷ്ണൻ അദ്ധ്യക്ഷതവഹിച്ചു.ആർ.വൈ.എഫ് സംസ്ഥാന പ്രസിഡന്റ് ഉല്ലാസ് കോവൂർ, കോൺഗ്രസ്സ് ബ്ലോക്ക് പ്രസിഡന്റ്
വൈ.ഷാജഹാൻ,ഡി.സി.സി ജനറൽസെക്രട്ടറി ബി. ത്രിദീപ്കുമാർ, മണ്ഡലം പ്രസിഡന്റ് കടപുഴ മാധവൻപിളള,യൂത്ത് കോൺഗ്രസ്സ് സംസ്ഥാന സെക്രട്ടറി ഹാഷിം സുലൈമാൻ , ആർ.വൈ.എഫ് ജില്ലാ സെക്രട്ടറി സുഭാഷ്. എസ്. കല്ലട, മുസ്ലിംലീഗ് നിയോജകമണ്ഡലം പ്രസിഡന്റ് കാരാളി.വൈ.എ. സമദ്, റിയാസ് പറമ്പിൽ ,സുരേഷ് ചന്ദ്രൻ ,സുനിൽ കോയിക്കൽ , എൻ.ശിവാനന്ദൻ ,റജ് ല, വിഷ്ണു കുന്നുതറ, നാദിർഷാ കാരൂർക്കടവ്, അനസ് ഖാൻ,ഡാർവിൻ, കുന്നിൽ ജയകുമാർ , ഗിരീഷ് കാരാളി, ഗീവർഗ്ഗീസ്, ഷാലി തുടങ്ങിയവർ പ്രസംഗിച്ചു
