കുന്നത്തൂർ:കുന്നത്തൂർ പഞ്ചായത്ത് പതിനാറാം വാർഡിൽ ആളില്ലാത്ത വീട്ടിലെ ഷെഡിൽ വൃദ്ധൻ കത്തി കരിഞ്ഞ നിലയിൽ കണ്ടെത്തി.കുന്നത്തൂർ പടിഞ്ഞാറ് ശ്രീവിലാസത്തിൽ സഹദേവനെ (65) ആണ് കത്തിക്കരിഞ്ഞ നിലയിൽ കണ്ടെത്തിയത്.കുന്നത്തൂർ കളീലുവിള ജംഗ്ഷനിലാണ് സംഭവം.വീട്ടുകാർ എണാകുളത്താണ് കഴിഞ്ഞു വരുന്നത്.ഇതിനാൽ സഹദേവൻ്റെ സഹോദരൻ ഓമനക്കുട്ടനാണ് വീടും പറമ്പുമെല്ലാം നോക്കി വരുന്നത്.രണ്ടാഴ്ച മുമ്പ് സഹദേവൻ ഇവിടെയെത്തി ഷെഢിൽ താമസം ആരംഭിക്കുകയായിരുന്നു.വീട്ടുടമസ്ഥ എറണാകുളത്ത് നിന്നും ഇന്ന് ഉച്ചയ്ക്ക് 2 ഓടെ കുന്നത്തൂരിലെ കുടുംബ വീട്ടിലെ സി.സി.ടി.വി മൊബൈൽ ഫോണിൽ പരിശോധിച്ചപ്പോൾ ഷെഡ് പൂർണമായും കറുത്ത് കിടക്കുന്നതായി മനസിലായി.ഉടൻ തന്നെ ഓമനക്കുട്ടനെ വിളിച്ച് വിവരം അറിയിച്ചു.ഇയ്യാൾ എത്തി നോക്കുമ്പോഴാണ് കത്തിക്കരിഞ്ഞ നിലയിൽ മൃതദേഹം കണ്ടെത്തിയത്.ഷെഡിൽ സൂക്ഷിച്ചിരുന്ന സ്കൂട്ടറും പത്തായവും മറ്റ് ഫർണീച്ചറുകളുമെല്ലാം കത്തിക്കരിഞ്ഞു.മണ്ണെണ്ണ ഒഴിച്ചാണ് തീ കത്തിച്ചതെന്ന നിഗമനത്തിലാണ് പോലീസ്.മറ്റ് ദുരൂഹതകൾ ഉള്ളതായും സൂചനയില്ല.ശാസ്താംകോട്ടയിൽ നിന്നും പോലീസ് സ്ഥലത്തെത്തിയിട്ടുണ്ട്.ഉടൻ തന്നെ മൃതദേഹം ഇവിടെ നിന്നും മാറ്റുന്നതിനുള്ള നടപടികൾ സ്വീകരിക്കും.
