Advertisement
ശാസ്താംകോട്ട:മൈനാഗപ്പള്ളിയിൽ എംഡിഎംഎയും കഞ്ചാവുമായി യുവാക്കൾ പോലീസ് പിടിയിൽ.മൈനാഗപ്പള്ളി ശിവശൈലത്തിൽ അശ്വിൻ പ്രകാശ്(21),മലപ്പുറം നിലമ്പൂർ മൈയൻതാണി വിളയിൽ വീട്ടിൽ അർജുൻ വി (21) എന്നിവരാണ് പോലീസ് പിടിയിലായത്.ബാംഗ്ലൂരിൽ നിന്നുമാണ് ലഹരി വസ്തുക്കൾ എത്തിച്ചിരുന്നത്.
പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ഞായറാഴ്ച വൈകിട്ട് ആറുമണിയോടെ മൈനാഗപ്പള്ളി തടത്തിൽ മുക്കിൽ നടത്തിയ പരിശോധനയിലാണ് ഇരുവരും പോലീസിന്റെ പിടിയിലായത്.ഇവരിൽ നിന്നും 7.24 ഗ്രാം കഞ്ചാവും 4.72 ഗ്രാം എംഡിഎംഎ യും കണ്ടെത്തി.കോടതിൽ ഹാജരാക്കിയ പ്രതികളെ റിമാന്റ് ചെയ്തു.കൂടുതൽ ചോദ്യം ചെയ്യലിനായി പ്രതികളെ കസ്റ്റഡിയിൽ വാങ്ങുമെന്ന് ശാസ്താംകോട്ട എസ്എച്ച്ഒ കെ.ബി മനോജ്‌കുമാർ പറഞ്ഞു.
Advertisement
