ശാസ്താംകോട്ട. തടാകത്തിലെ ജലചൂഷണം കുറയ്ക്കാനായി ആവിഷ്‌കരിച്ച ഞാങ്കടവ് പദ്ധതി അടിയന്തരമായി പൂര്‍ത്തീകരിച്ച് തടാകത്തിലെ ജലോപഭോഗം കുറയ്ക്കണമെന്ന് തടാക സംരക്ഷണ സമിതി അധികൃതരോട് ആവശ്യപ്പെട്ടു. കരുതലും കൈത്താങ്ങും അദാലത്തിലാണ് സമിതി വൈസ് ചെയര്‍മാന്‍ തുണ്ടില്‍ നൗഷാദ് ഈ ആവശ്യവുമായി മന്ത്രി കെ എന്‍ ബാലഗോപാല്‍ അടക്കമുള്ള അധികൃതരെ കണ്ടത്.
2013ല്‍ നിരാഹാരമടക്കമുള്ള സമരങ്ങളിലൂടെ നേടിയെടുത്ത കാര്യമാണ് ബദല്‍ ശുദ്ധജല പദ്ധതി. ആദ്യഘട്ടം അഴിമതിയെത്തുടര്‍ന്ന് അവസാനിപ്പിച്ചു. ഞാങ്കടവ് പദ്ധതി കൊല്ലം നഗരത്തിന്റെ ആവശ്യത്തിന് ഏതാണ്ട് പൂര്‍ണമായും ഉപയോഗപ്പെടുന്ന പദ്ധതിയാണ്.അത് അവസാനഘട്ടത്തിലായി, ബാക്കി പണികള്‍ തീര്‍ത്ത് ഈ വേനലില്‍ തടാകത്തിലെ ജലമെടുപ്പ് പ്രാദേശികം മാത്രമാക്കുമെന്ന പ്രതീക്ഷയാണ് അധികൃതരുടെ അനാസ്ഥമൂലം നടക്കാതെ പോകുന്നത്.
തടാകത്തിന്റെ സംരക്ഷണത്തിന് സ്റ്റാ്റ്റിയൂട്ടറി അതോറിറ്റി രൂപീകരിക്കല്‍ തടാകത്തിന് ഇക്കോടൂറിസം പദ്ധതിയിലൂടെ പ്രാദേശിക വികസനം എന്നിവയും ആവശ്യത്തിലുണ്ട്.
