കുമ്പളത്ത് ശങ്കുപ്പിള്ള മെമ്മോറിയൽ ദേവസ്വം ബോർഡ് കോളേജിന്റെ വജ്ര ജൂബിലി ആഘോഷങ്ങളുടെ ഭാഗമായി സംഘടിപ്പിച്ച ബോധി ഇന്റർനാഷണൽ മൾട്ടിഡിസിപ്ലിനറി സിമ്പോസിയം എംജി യൂണിവേഴ്സിറ്റി വൈസ് ചാൻസലർ പ്രൊഫ.( ഡോ.) സി.ടി. അരവിന്ദ് കുമാർ ഉദ്ഘാടനം ചെയ്തു. മനുഷ്യർ നിത്യ നൂതനരാണെന്ന് അദ്ദേഹം പറഞ്ഞു. പരിസ്ഥിതിയെ അറിയുകയാണ് പ്രധാനം. നമുക്കിനി വേണ്ടത് ഹരിത സാങ്കേതികവിദ്യയാണെന്നും അദ്ദേഹം അഭിപ്രായപ്പെട്ടു. കോളേജ് പ്രിൻസിപ്പൽ പ്രൊഫ.(ഡോ.) കെ.സി. പ്രകാശ് അധ്യക്ഷനായ ചടങ്ങിൽ ഇന്റർനാഷണൽ സെമിനാർ കൺവീനർ ഡോ. രാധിക നാഥ് ജി സ്വാഗതവും ഡയമണ്ട് ജൂബിലി ജനറൽ കൺവീനർ പ്രൊഫ. അരുൺ കുമാർ ആർ നന്ദിയും പറഞ്ഞു. തുടർന്ന് ഡോ. പ്രിയദർശിനി മുത്തുകൃഷ്ണൻ [INTl International University Malaysia ] , ഡോ. കെ. ജെ . വർഗ്ഗീസ് [ Dean and HoD of English , Christ College Irinjalakkuda ] , ഡോ.അപർണ രാധാകൃഷ്ണൻ [ Assistant Professor, College of Agriculture Vellayani ] എന്നിവർ വിവിധ സെക്ഷനുകളിൽ പങ്കെടുത്തു പ്രബന്ധങ്ങൾ അവതരിപ്പിച്ചു. വിവിധ വിഷയങ്ങളിലായി 20 ഓളം പ്രബന്ധങ്ങൾ സിമ്പോസിയത്തിൻ്റെ ആദ്യ ദിവസം അവതരിപ്പിക്കപ്പെട്ടു. നാലു ദിവസത്തെ സിമ്പോസിയത്തിൽ വിദേശ രാജ്യങ്ങളിൽ നിന്നടക്കം ഇരുന്നൂറ്റി അൻപതോളം പ്രതിനിധികൾ പങ്കെടുക്കുന്നുണ്ട്. ഷിനാവാത്ര യൂണിവേഴ്സിറ്റി തായ്ലണ്ട്, വെറ്റ് ലാൻഡ് ഇൻ്റർനാഷണൽ സൗത്ത് ഏഷ്യ, ഐ ആർ ഇ ചവറ എന്നിവയുടെ സഹകരണത്തോടെയാണ് ഈ അന്തർദേശീയ സിമ്പോസിയം കെ എസ് എം ഡി ബി കോളേജിൽ നടക്കുന്നത്
