അഞ്ചൽ: കുളത്തൂപ്പുഴ മടത്തറ, ചോഴിയക്കോട് കല്ലുകുഴിയില്‍ നിയന്ത്രണം വിട്ടപിക്കപ്പ് വാൻ വൈദ്യുതി പോസ്റ്റ് ഇടിച്ച് തകര്‍ത്തു. ഇന്ന് പുലര്‍ച്ചെ 2 ഓടെയാണ് അപകടം ഉണ്ടായത്. തമിഴ്നാട്ടില്‍ നിന്നും തണ്ണിമത്തന്‍ കയറ്റിവന്ന പിക്കപ്പ് വൈദ്യുതി പോസ്റ്റും ഇടിച്ച് തകര്‍ത്ത് ഓടയിലേക്ക് വീഴുകയായിരുന്നു. ഒടിഞ്ഞ വൈദ്യുതി പോസ്റ്റില്‍ നിന്നും വൈദ്യുതി ലൈനുകള്‍ പൊട്ടി വാഹനത്തിന് മുകളിലും സമീപത്തും വീണു. ഈസമയം വൈദ്യുതി ഉണ്ടാകാനുള്ള സാഹചര്യം മുന്നില്‍ കണ്ടു പിക്കപ്പിനുള്ളില്‍ ഉണ്ടായിരുന്നവര്‍ പുറത്തിറങ്ങാതിരുന്നതിനാല്‍ വലിയ അപകടം ഒഴിവായി. ശബ്ദം കേട്ടു ഓടിക്കൂടിയ നാട്ടുകാര്‍ വിവരം അറിയിച്ചതിനെ സ്ഥലത്തെത്തിയ കെ.എസ്.ഇ.ബി അധികൃതരാണ് വൈദ്യുതി വിച്ഛേദിച്ച ശേഷമാണ് വാഹനത്തിൽ ഉണ്ടായിരുന്നവർ പുറത്തിറങ്ങിയത്. ഡ്രൈവര്‍ അടക്കമുള്ളവര്‍ പരുക്കുകളേല്‍ക്കാതെ രക്ഷപ്പെട്ടു. ഡ്രൈവര്‍ ഉറങ്ങിപ്പോയതാകാം അപകട കരണമെന്നാണ് നിഗമനം.