Advertisement
മൈനാഗപ്പള്ളി. ഗ്രാമപഞ്ചായത്ത് കൃഷിഭവൻ പരിധിയിൽ വരുന്ന വടക്കൻ മൈനാഗപ്പള്ളി പാടശേഖരത്തിൽ തരിശ് നെൽകൃഷി ചെയ്ത 5 ഏക്കർ പാടത്തെ കൊയ്ത്തു തുടങ്ങി. മൈനാഗപ്പള്ളി ഗ്രാമപഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ ആർ. സജിമോൻ അധ്യക്ഷത വഹിച്ച ചടങ്ങ് ഗ്രാമപഞ്ചായത്ത് പ്രസിഡന്റ്‌ വർഗീസ് തരകൻ ഉൽഘാടനം നിർവഹിച്ചു. ഇതോടൊപ്പം കൊല്ലം അഗ്രിക്കൾച്ചർ എഞ്ചിനീയറിംഗ് സെക്ഷന്റെ നേതൃത്വത്തിൽ ബ്ലോക്ക്‌ കൃഷി ശ്രീ സെന്ററിന്റെ റീപ്പർ മെഷീനിന്റെ പരിശീലന പരിപാടിയും സംഘടിപ്പിച്ചു. വാർഡ് മെമ്പർ മൈമൂനത്ത് നജീബ് സ്വാഗതം ആശംസിച്ചു. മെമ്പർമാരായ ഷാജി ചിറക്കുമേൽ, അജി ശ്രീക്കുട്ടൻ, അഗ്രികൾച്ചർ എഞ്ചിനീയറിംഗ് ഓഫീസ് സ്റ്റാഫ്‌ ശ്രീകുമാർ, കൃഷി അസിസ്റ്റന്റ് സജിത്ത്, പാടശേഖര സമിതി അംഗങ്ങളായ അനിൽകുമാർ, രാജേഷ്, രാജു തുടങ്ങിയവർ സന്നിഹിതരായിരുന്നു.
