തേവലക്കര : തേവലക്കര ഗേൾസ് ഹൈസ്കൂളിലെ വാർഷികാഘോഷം ആരവോത്സവ് 2025 നടന്നു. കോവൂർ കുഞ്ഞുമോൻ എം എൽ എ ഉദ്ഘാടനം ചെയ്തു. പി റ്റി എ പ്രസിഡന്റ് എ സാബു അധ്യക്ഷത വഹിച്ചു. സംസ്ഥാന സ്കൂൾ കലോത്സവ പ്രതിഭ അശ്ഫിയ അൻവർ മുഖ്യാതിഥിയായിരുന്നു. ദേശീയതലത്തിൽ സ്വർണ മെഡലോടെ അന്താരാഷ്ട്ര ചെസ്സ് ചാമ്പ്യൻഷിപ്പിലേക്ക് യോഗ്യത നേടിയ വിദ്യാർത്ഥിനി പൗർണമി എസ് ഡി, കഴിഞ്ഞ എസ് എസ് എൽ സി പരീക്ഷയിൽ ഫുൾ A+, 9 A+ നേടിയവർ, സംസ്ഥാനതല മേളകളിൽ പങ്കെടുത്ത വിദ്യാർത്ഥിനികൾ എന്നിവരെ ചടങ്ങിൽ ആദരിച്ചു.
ശാസ്താംകോട്ട ബ്ലോക്ക്‌ പഞ്ചായത്ത്‌ മെമ്പർ രാജി രാമചന്ദ്രൻ, സ്കൂൾ മാനേജർ ആർ തുളസീധരൻ പിള്ള, സ്കൂൾ മാനേജിങ് കമ്മിറ്റി പ്രസിഡന്റ് വി ഗോവിന്ദപിള്ള, ബോയ്സ് ഹൈസ്കൂൾ എച്ച് എം എസ് സുജ , ബോയ്സ് ഹൈസ്കൂൾ പി റ്റി എ പ്രസിഡന്റ് ജോസ് ആന്റണി, ഗേൾസ് ഹൈസ്കൂൾ പി റ്റി എ വൈസ് പ്രസിഡന്റ് ജി പ്രമോദ്, സീനിയർ അസിസ്റ്റന്റ് എസ്. രാജലക്ഷ്മി, സ്റ്റാഫ്‌ സെക്രട്ടറി ഇ. അനീസ് എന്നിവർ സംസാരിച്ചു. ഹെഡ്മാസ്റ്റർ അഹമ്മദ്‌ നിസാറുദീൻ സ്വാഗതവും സ്റ്റുഡന്റസ് കൺവീനർ എൽ. ശാന്തിദേവി നന്ദിയും പറഞ്ഞു. ഉദ്ഘാടന യോഗത്തിന് ശേഷം കുട്ടികളുടെ കലാപരിപാടികൾ അരങ്ങേറി.
