Advertisement
കുണ്ടറ: ക്ഷേത്രത്തില്‍ എഴുന്നള്ളിക്കാനായി എത്തിക്കുന്നതിനിടെ അബദ്ധത്തില്‍ ആനയുടെ ചവിട്ടേറ്റ് പാപ്പാന് പരിക്കേറ്റു. കേരളപുരത്ത് ക്ഷേത്രത്തില്‍ ഉത്സവത്തിനായി കൊണ്ടുവന്ന ആനയുടെ പാപ്പാന് സച്ചുവിനാണ് പരിക്കേറ്റത്. കൊല്ലം തിരുമംഗലം ദേശീയപാതയില്‍ കേരളപുരത്തുനിന്ന് പെരുമ്പുഴയ്ക്കുതിരിയുന്ന റോഡിനുസമീപം ഞായറാഴ്ച വൈകിട്ടായിരുന്നു സംഭവം.
ആനയുടെ മുകളിലിരിക്കുകയായിരുന്ന ഒന്നാം പാപ്പാന് സച്ചുവിന്റെ സഞ്ചി താഴേയ്ക്കുവീണു. ഇതെടുക്കാനായി പെട്ടെന്ന് താഴേയ്ക്കിറങ്ങിയപ്പോഴാണ് ആനയുടെ ചവിട്ടേറ്റത്. സാരമായി പരിക്കേറ്റ സച്ചുവിനെ ജില്ലാ ആശുപത്രിയിലും പിന്നീട് തിരുവനന്തപുരം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.
Advertisement
