ശാസ്താംകോട്ട : വാഹനാപകടത്തെ തുടർന്ന് ചികിത്സയിലായിരുന്ന ഗൃഹനാഥൻ മരിച്ചു.മൈനാഗപ്പള്ളി ഇടവനശ്ശേരി ആശാൻ്റയ്യത്ത് കിഴക്കതിൽ രാമകൃഷ്ണപിള്ള (60) ആണ് മരിച്ചത്.കഴിഞ്ഞ 2ന് വൈകിട്ട് ശാസ്താംകോട്ട ഭരണിക്കാവിന് കിഴക്ക് ഭാഗത്തുള്ള പെട്രോൾ പമ്പിന് സമീപമായിരുന്നു അപകടം.
സ്കൂട്ടറിൽ വരികയായിരുന്ന രാമകൃഷ്ണപിള്ളയെ ഭരണിക്കാവ് ഭാഗത്തുനിന്ന് വന്ന കാർ രണ്ട് ബസുകളെ ഓവർ ടേക്ക് ചെയ്തെത്തി ഇടിച്ച് തെറിപ്പിക്കുകയായിരുന്നു. നിർത്താതെ പോയ കാര്‍ ഇതുവരെ കണ്ടെത്താനും കഴിഞ്ഞിട്ടില്ല.
അപകടത്തിൽ പരിക്കേറ്റ രാമകൃഷ്ണപിള്ളയെ ആദ്യം ശാസ്താംകോട്ടയിലെ സ്വകാര്യ ആശുപത്രിയിലും പിന്നീട് കൊല്ലത്തെ സ്വകാര്യ മെഡിക്കൽ കോളേജിലും പ്രവേശിപ്പിച്ച് ചികിത്സിച്ചു വരികയായിരുന്നു.ശനിയാഴ്ച രാത്രി എട്ടോടെയാണ് മരണം സംഭവിച്ചത്.സംസ്ക്കാരം തിങ്കളാഴ്ച രാവിലെ 11.30 ന് വീട്ടുവളപ്പിൽ.ഭാര്യ: ഉഷാകുമാരി.മക്കൾ: ഹരികൃഷ്ണൻ, ജയകൃഷ്ണൻ.മരുമകൾ:ഉണ്ണിമായ.
