Advertisement
കൊച്ചി. സംസ്ഥാന സർക്കാർ സഹകരണ എക്‌സ്‌പോ 2022 മികച്ച ദൃശ്യ മാധ്യമ പ്രവർത്തകനുള്ള പുരസ്‌കാരം സഹകരണ വകുപ്പ് മന്ത്രി വി എൻ വാസവനിൽ നിന്നും ട്വൻ്റി ഫോർ ന്യൂസ് ചീഫ് റിപ്പോർട്ടർ ആർ അരുൺരാജ് ഏറ്റുവാങ്ങി. സഹകരണ എക്സ്പോയുടെ സമാപന സമ്മേളനത്തിൽ വെച്ചാണ് പോരുവഴി സ്വദേശിയായ അരുൺരാജിന് അവാർഡ് നൽകിയത്.
സാമൂഹിക പ്രതിബന്ധയുള്ള മാധ്യമ പ്രവർത്തകനുള്ള മനുഷ്യാവകാശ കമ്മീഷൻ്റെ പുരസ്ക്കാരവും, 2021 ലെ മികച്ച റിപ്പോർട്ടറിനുള്ള ഗ്ലോബൽ എക്സലൻസി പുരസ്ക്കാരവും നേരത്തെ അരുണിനെ തേടി എത്തിയിരുന്നു.9 വർഷക്കാലമായി മാധ്യമ രംഗത്തുള്ള അരുൺ ജനയുഗം സബ് എഡിറ്റർ, റിപ്പോർട്ടർ ന്യൂസ് ചാനൽ റീജിയണൽ ഹെഡ് എന്നീ നിലകളിൽ പ്രവർത്തിച്ചിട്ടുണ്ട്.പോരുവഴി നിർമ്മാല്യത്തിൽ ആർ രാജീവിൻ്റെയും ,അനിത എസി ൻ്റെയും മകനാണ് ആർ അരുൺരാജ്.അമിത രാജീവാണ് ഭാര്യ.
Advertisement
