കുണ്ടറ. പോലീസ് സ്റ്റേഷൻ പരിധിയിൽ നിരവധി കേസുകളിൽ ഉൾപ്പെട്ട പേരയം വില്ലേജിൽ മുളവന കുമ്പളം ഷൈജു ഭവനിൽ സലിം പോൾ മകൻ 25 വയസ്സുള്ള ചെങ്കീരി എന്നറിയപ്പെടുന്ന അനീഷിനെയാണ് കാപ്പ നിയമ പ്രകാരം പോലീസ് അറസ്റ്റ് ചെയ്ത്.ഇയാൾ കുണ്ടറ പോലീസ് സ്റ്റേഷൻ പരിധിയിൽ ഏകദേശം പതിനഞ്ചോളം കേസുകളിൽ പ്രതിയാണ്
കേസുകളെല്ലാം തന്നെ ആയുധം കൊണ്ട് മാരകമായ ദേഹോപദ്രവം ഏൽപ്പിക്കൽ, കൊലപാതകശ്രമം, നരഹത്യാശ്രമം, മോഷണം തുടങ്ങിയ വകുപ്പുകൾക്ക് രജിസ്റ്റർ ചെയ്തതാണ്.കൊല്ലം റൂറൽ ജില്ലാ പോലീസ് മേധാവി നൽകിയ റിപ്പോർട്ടിന്മേലാണ് ബഹു. ജില്ലാ കളക്ടർ കരുതൽ തടങ്കലിന് ഉത്തരവ് പുറപ്പെടുവിച്ചത്. കൊല്ലം റൂറൽ ജില്ലാ പോലീസ് മേധാവി കെ ബി രവി ഐ പി എസ് ന്റെ നിർദ്ദേശാനുസരണം കുണ്ടറ ഐ എസ് എച്ഛ് ഒ മഞ്ചുലാലിൻറെ നേതൃത്വത്തിൽ എസ് ഐ മാരായ ബാബു കുറുപ്പ്, ഷാജഹാൻ, സി പി ഒ മാരായ ദീപക്,റിജു, ബൈജു എന്നിവരടങ്ങുന്ന സംഘമാണ് പ്രതിയെ അറസ്റ് ചെയ്തത്.
കുണ്ടറ പോലീസ് സ്റ്റേഷൻ പരിധിയിൽ മൂന്ന് മാസത്തിനിടയിൽ കാപ്പ നിയമ പ്രകാരം അറസ്റ്റിലാകുന്ന അഞ്ചാമത്തെ പ്രതിയാണ് അനീഷ് . നിഷാദ്, കൊള്ളി നിയാസ് എന്നറിയപ്പെടുന്ന നിയാസ്, ചെങ്കീരി എന്നറിയപ്പെടുന്ന ഷൈജു, ആന്റണി ദാസ് എന്നിവരാണ് നേരത്തെ അറസ്റ്റിലായ മറ്റു പ്രതികൾ
