Advertisement
മൈസുരു: സ്വകാര്യ ബസും കാറും കൂട്ടിയിടിച്ച് പത്തു പേര്‍ മരിച്ചു. കൊല്ലേഗല്‍ ടി.നരസിപുര സംസ്ഥാനപാതയില്‍ കുറുബൂരു ഗ്രാമത്തില്‍ ഇന്ന് വൈകിട്ട് മൂന്നിനാണ് അപകടം. മൂന്നു പേര്‍ക്കു ഗുരുതരമായി പരുക്കേറ്റു. മരിച്ച പത്തു പേരും കാര്‍ യാത്രക്കാരാണ്. ഇതില്‍ നാലുവയസ്സുകാരനും ഉള്‍പ്പെടുന്നു.
ബെള്ളാരി സംഘനക്കലില്‍നിന്നു മൈസുരുവിലെ വിനോദസഞ്ചാരകേന്ദ്രങ്ങള്‍ സന്ദര്‍ശിക്കാനെത്തിയ സംഘം സഞ്ചരിച്ച കാറാണ് അപകടത്തില്‍പ്പെട്ടത്. മരിച്ച ജനാര്‍ദ്ദന (45), ശശികുമാര്‍ (24), പുനീത് (4) എന്നിവരെ തിരിച്ചറിഞ്ഞു. സ്ഥിരം അപകടമേഖലയായ ഇവിടെ കാര്‍ എതിരെ വന്നു ബസിലേക്ക് ഇടിച്ചു കയറുകയായിരുന്നു. പരിക്കേറ്റവരെ മൈസുരുവിലെ ആശുപത്രികളില്‍ പ്രവേശിപ്പിച്ചു.
Advertisement
