Advertisement
ബുൽധാന . മഹാരാഷ്ട്രയിൽ ബസുകൾ കൂട്ടിയിടിച്ച് 6 മരണം.അപകടത്തിൽ 20 പേർക്ക് സാരമായി പരിക്കേറ്റു.ഇവരെ ബുൽധാനയിലെ ആശുപത്രിയിൽ പ്രവേശിപ്പിച്ചു.ബുൽധാനയിലെ എൻ എച്ച് 53 ലെ നന്ദൂർ നക ഫ്‌ളൈഓവറിൽ പുലർച്ചെ 2:30നാണ് അപകടമുണ്ടായത്.
അമർനാഥ് യാത്ര കഴിഞ്ഞു മടങ്ങിയ സംഘവും നാസിക്കിലേക്ക് പോയ സംഘവും സഞ്ചരിച്ച ബസ്സുകളാണ് പരസ്പരം കൂട്ടിയിടിച്ചത്.മറ്റൊരു ബസ്സിനെ മറികടക്കുന്നതിനിടയിലാണ് അപകടം സംഭവിച്ചത് എന്നതാണ് പ്രാഥമിക വിലയിരുത്തൽ.നിസ്സാര പരിക്കേറ്റ 32 പേരെ അടുത്തുള്ള ഗുരുദ്വാരയിൽ പ്രാഥമിക ശുശ്രൂഷ നൽകി.ബുൽധാന ജില്ലയിൽ അടുത്തിടെയുണ്ടായ രണ്ടാമത്തെ വലിയ ബസ് അപകടമാണിത്
Advertisement
