ചണ്ഡീഗഡ്.രാഷ്ട്രീയ രജ്‌പുത് കർണിസേന അധ്യക്ഷൻ സുഖ്ദേവ് സിങ് ഗോഗമേദിയുടെ കൊലപാതകത്തിൽ രണ്ട് പേർ പിടിയിൽ .ഹരിയാനയിൽ വച്ചാണ് പ്രതികളെ പിടികൂടിയത്. സുഖ് ദേവ് സുരക്ഷ ആവശ്യപ്പെട്ടിട്ടും,നൽകാതിരുന്നതാണ് കൊലപാതകത്തിന് കാരണമെന്ന് കർണി സേനയും ബിജെപിയും വിമർശനവുമായി രംഗത്തെത്തി.
സിസിടിവി കേന്ദ്രീകരിച്ച് നടത്തിയ അന്വേഷണത്തിലാണ് ഹരിയാന വച്ച് രണ്ടു പേരെ പോലീസ് പിടികൂടിയത്.ഹരിയാന മഹേന്ദ്ര ഘട്ട് സ്വദേശിയായ 22 കാരൻ നിതിൻ ഫൗജി,രാജസ്ഥാൻ സ്വദേശിയായ രോഹിത് സിങ് എന്നിവരെയാണ് കസ്റ്റഡിയിൽ എടുത്തത്.കൊലപാതകത്തിന് പിന്നാലെ പോലീസ് എട്ടംഗ സംഘത്തെ രൂപീകരിച്ച് ഹരിയാനയിലും രാജസ്ഥാനിലും വ്യാപക പരിശോധന നടത്തിയിരുന്നു.കസ്റ്റഡിയിലെടുത്തവരെ വിശദമായി ചോദ്യംചെയ്ത് വരികയാണ്.ഭൂമി തർക്കവുമായി ബന്ധപ്പെട്ട വിഷയമാണ് കൊലപാതകത്തിന്റെ കാരണമെന്നാണ് പോലീസിന്റെ പ്രാഥമിക നിഗമനം.സംഭവത്തെ തുടർന്ന് ബന്ദിന് ആഹ്വാനം ചെയ്ത രജപുത്ത് സമുദായം ശക്തമായി പ്രതിഷേധവുമായി രംഗത്തുണ്ട്.ആഗ്ര – ജയ്പൂർ ദേശീയപാത ഉപരോധിച്ചു. ഉദയ്പുർ, ജോധ്പൂർ അടക്കമുള്ള മേഖലയിൽ പ്രതിഷേധങ്ങൾ തുടരുന്നുണ്ട്.അതേസമയം ഭീഷണിയുടെ തെളിവുകൾ സർക്കാരിന് നൽകിയിട്ടും,സുരക്ഷാ നൽകാതിരുന്നതാണ് സുഖ് ദേവ് കൊല്ലപ്പെടാൻ കാരണമെന്ന് ഗെഹ്‌ലോട്ട് സർക്കാരിനെതിരെ ബിജെപിയും കർണി സേനയും വിമർശിച്ചു.
