ന്യൂഡെല്‍ഹി.ഗവർണർമാരെ പിരിച്ചു വിടാൻ നിയമസഭക്ക് അധികാരം നൽകുന്ന ബില്ല് രാജ്യ സഭയിൽ ചർച്ച ചെയ്തു. സിപിഎം രാജ്യസഭാ അംഗം ഡോ.വി ശിവദാസൻ ആണ് ബിൽ അവതരിപ്പിച്ചത്. ചർച്ചയിൽ കേരള ഗവർണർ ആരിഫ് മുഹമ്മദ്‌ ഖാനെ ശിവദാസൻ എംപി രൂക്ഷമായി വിമർശിച്ചു. ബില്ലിനെ സിപിഐ എം പി, പി സന്തോഷ് കുമാർ പിന്തുണച്ചില്ല.ഗവർണർ 360 ആം വകുപ്പ് പ്രകാരം സാമ്പത്തിക അടിയന്തരാവസ്ഥക്കു ശുപാർശ നൽകാൻ തീരുമാനിച്ചാൽ അത് തീക്കളിയാകുമെന്ന് സിപിഎം സംസ്ഥാന സെക്രട്ടറി എം വി ഗോവിന്ദൻ.
നിയമസഭയ്ക്ക് മൂന്നിൽ രണ്ട് ഭൂരിപക്ഷത്തോടെയുള്ള പ്രമേയത്തിലൂടെ ഗവർണറെ പുറത്താക്കാനുള്ള അധികാരം. ഗവർണറെ എംഎൽമാരും തദ്ദേശ സ്ഥാപനങ്ങളുടെ പ്രതിനിധികളും ചേർന്ന് തെരഞ്ഞെടുക്കാനുള്ള സംവിധാനം.
തുടങ്ങിയ ഭേദഗതികളാണ് ബില്ലിൽ അടങ്ങിയിട്ടുള്ളത്.ബിൽ അവതരിപ്പിച്ചു ഗവർണർമാർക്കെതിരെ അതിരൂക്ഷ വിമർശനമാണ് ശിവദാസൻ എംപി ഉന്നയിച്ചത്. കേന്ദ്രസർക്കാരിന്റെ ആയുധമായി മാറുകയാണ് ഗവർണർമാർ.ഗവർണർമാർ വെറുപ്പിന്റെ രാഷ്ട്രീയം പ്രചരിപ്പിക്കുന്നുവെന്നും ശിവദാസൻ എംപി കേരള ഗവർണറെയും വിമർശിച്ചു.
ബില്ലിനെ പിന്തുണക്കില്ലെന്നും, ഗവർണർ പദവി തന്നെ, ഒഴിവാക്കണമെന്നാണ്, തന്റെ പാർട്ടിയുടെ നിലപാടെന്നും സിപിഐ എം പി, പി സന്തോഷ് കുമാർ ചർച്ചയിൽ പങ്കെടുത്തു പറഞ്ഞു.
ഗവർണർ 360 ആം വകുപ്പ് പ്രകാരം സാമ്പത്തിക അടിയന്തരാവസ്ഥക്കു ശുപാർശ നൽകാൻ തീരുമാനിച്ചാൽ അത് തീക്കളിയാകുമെന്ന് സിപിഎം സംസ്ഥാന സെക്രട്ടറി എം വി ഗോവിന്ദൻ പറഞ്ഞു.
കേന്ദ്ര സർക്കാരിനെ മറയാക്കി ഗവർണർ ഇടപെടാൻ നോക്കിയാൽ സർവ ശക്തിയുമെടുത്തു പ്രതിരോധിക്കുമെന്നും എം വി ഗോവിന്ദൻ വ്യക്തമാക്കി.
