Advertisement
അഹമ്മദാബാദ്. വൈബ്രന്റ് ഗുജറാത്ത് ഉച്ചകോടിയിൽ മുഖ്യാതിഥിയായി പങ്കെടുക്കാൻ യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ നാളെ ഇന്ത്യയിലെത്തും . ഇരു രാജ്യങ്ങളും തമ്മിലുള്ള ബന്ധത്തിന് പുതിയ ഉയരങ്ങൾ കൊണ്ടുവരുക എന്നതാണ് വൈബ്രന്റ് ഗുജറാത്ത് ലക്ഷ്യമെന്ന് സംഘാടകർ അവകാശപ്പെട്ടു.
ജനുവരി 9 ന് അഹമ്മദാബാദ് എയർപോർട്ടിൽ എത്തുന്ന യുഎഇ പ്രസിഡന്റിനെ പ്രധാനമന്ത്രി നരേന്ദ്ര മോദി നേരിട്ടെത്തി സ്വീകരിക്കും. വൈബ്രന്റ് ഗുജറാത്ത് ഉച്ചകോടിയിൽ യുഎഇ വാണിജ്യ സഹമന്ത്രി താനി ബിൻ അഹമ്മദ് അൽ സെയൂദിയും ഗൾഫ് രാഷ്‌ട്രത്തിൽ നിന്നുള്ള മുഴുവൻ പ്രതിനിധി സംഘവും പങ്കെടുക്കുന്നുണ്ട്. പ്രധാനമന്ത്രിയും യുഎഇ പ്രസിഡന്റും അഹമ്മദാബാദിൽ റോഡ് ഷോ നടത്തും.
Advertisement
