കൊല്‍ക്കൊത്ത.ബംഗാൾ ഗവർണർ സി വി ആനന്ദബോസിനെതിരെ ഗുരുതര ആരോപണവുമായി തൃണമൂൽ കോൺഗ്രസ്.സി വി ആനന്ദബോസ് സ്ത്രീയെ ലൈംഗികമായി ഉപദ്രവിച്ചുവെന്നാണ് തൃണമൂൽ കോൺഗ്രസ് ഉന്നയിക്കുന്ന ആരോപണം.
ഗവർണർക്കെതിരെ സ്ത്രീ പരാതി നൽകിയെന്നും ടി എം സി ആരോപിച്ചു. ആരോപണം നിഷേധിച്ച് ഗവർണർ സി വി ആനന്ദ ബോസ് രംഗത്ത് വന്നു.
സത്യം ജയിക്കുമെന്നും,തന്നെ അപകീർത്തിപ്പെടുത്തി തെരഞ്ഞെടുപ്പ് നേട്ടമുണ്ടാക്കാനുള്ള ശ്രമമാണെന്ന് അദ്ദേഹം പ്രതികരിച്ചു. ബംഗാളിൽ അഴിമതിക്കെതിരെയുള്ള പോരാട്ടം തുടരുംമെന്നും ഗവർണർ വ്യക്തമാക്കി.
തൃണ മൂൽ കോണ്ഗ്രസിന്റെ ആരോപണത്തിനു പിന്നാലെ ബംഗാൾ രാജ്ഭവൻ പരിസരത്ത് പോലീസിൻ്റെ പ്രവേശനം നിരോധിച്ചു.തിരഞ്ഞെടുപ്പ് കാലത്ത് അന്വേഷണം നടത്തുന്നതിൻ്റെ മറവിൽ, രാഷ്ട്രീയ മേലധികാരികളെ തൃപ്തിപ്പെടുത്താൻ അനധികൃതവും നിയമവിരുദ്ധവും രാഷ്ട്രീയപ്രേരിതമായതുമായ നടപടികൾ ഉണ്ടാകാമെന്ന് രാജ്ഭവൻ പ്രതികരിച്ചു.മന്ത്രി ചന്ദ്രിമ ഭട്ടാചാര്യ കൊൽക്കത്ത, ഡാർജിലിംഗ്, ബാരക്ക്പൂർ എന്നിവിടങ്ങളിലെ രാജ്ഭവൻ വളപ്പുകളിൽ പ്രവേശിക്കുന്നത് വിലക്കാനും ഉത്തരവ് ഉണ്ട്.
