ന്യൂ ഡെൽഹി :
സ്വാതി മാലിവാൾ എംപിയെ മർദിച്ചെന്ന പരാതിയിൽ അരവിന്ദ് കെജ്രിവാളിന്റെ പിഎ അറസ്റ്റിൽ.ബിഭവ്കുമാറിനെ അറസ്റ്റ് ചെയ്തത് കെജ്രിവാളിന്റെ ഔദ്യോഗിക വസതിയിൽ നിന്ന്.കോടതിയിൽ ഹാജരാക്കി കസ്റ്റഡിയിൽ പോലീസ് ആവിശ്യപ്പെടും.സ്വാതി മാലിവാളിന്റെ ശരീരത്തിൽ പരുക്കുകളെന്ന് മെഡിക്കൽ റിപ്പോർട്ട്.
ഇന്ന് ഉച്ചയോടെയാണ് കെജ്രിവാളിന്റെ വസതിയിൽ നിന്ന് അപ്രതീക്ഷിതമായി ഡൽഹി പോലീസ് ബിഭവ് കുമാറിനെ കസ്റ്റഡിയിൽ എടുത്തത്.മൂൻകൂട്ടി അറിയിക്കാതെയാണ് പോലീസ് നടപടി ഉണ്ടായതെന്ന് ബിഭവിന്റെ അഭിഭാഷകൻ പ്രതികരിച്ചു.സ്വാതി മലിവാളിന്റെ പരാതിയിലെ അന്വേഷണത്തിൽ സഹകരിക്കാൻ തയ്യാറാണെന്നും തന്റെ പരാതി കൂടി പരിഗണിക്കണം എന്നും ആവിശ്യപ്പെട്ടുള്ള ബിഭവിന്റെ ഇമെയിൽ സന്ദേശവും പുറത്ത് വന്നിട്ടുണ്ട്.4:15ഓടെ ബിഭവിന്റെ അറസ്റ്റ് പെടുത്തിയതായി പബ്ലിക് പ്രോസിക്യൂട്ടർ കോടതിയെ അറിയിച്ചു.പുറത്ത് വന്ന സ്വാതി മലിവാളിന്റെ മെഡിക്കൽ റിപ്പോർട്ടിൽ വലത് കണ്ണിന് താഴെയും ഇടത് കാലിനും ചതവ് ഏറ്റിട്ടുണ്ടെന്നും പറയുന്നു.സ്വാതിയുടെ പരാതിയിൽ ആരോപിക്കും പോലുള്ള പരിക്കുകൾ മെഡിക്കൽ റിപ്പോർട്ടിൽ പരാമർശിക്കുന്നില്ല.വിവാദത്തെ രാഷ്ട്രീയമായി പ്രതിരോധിക്കുകയാണ് ആംആദ്മി. സ്വാതിയെ ഡൽഹി പോലീസിലെ വനിത ഉദ്യോഗസ്ഥർ വസതിയിൽ നിന്നും പുറത്തേക്ക് കൂട്ടിക്കൊണ്ടുവരുന്ന ദൃശ്യങ്ങൾ സമൂഹമാധ്യമങ്ങളിലൂടെ പാർട്ടി പങ്ക്വച്ചു. പരാതിയിലെ ആരോപണങ്ങൾ കളവാണെന്ന് ദൃശ്യങ്ങളിൽ തെളിയിക്കുന്നുവെന്ന് ആംആദ്മി പ്രതികരിച്ചു
