ഓടിക്കൊണ്ടിരിക്കുന്ന ട്രെയിന്‍ കമ്പാര്‍ട്ട്‌മെന്റിനുള്ളില്‍ രണ്ട് യുവതികള്‍ വിചിത്രമായി പെരുമാറുന്നതിന്റെ ദൃശ്യങ്ങള്‍ ഇപ്പോള്‍ സോഷ്യല്‍ മീഡിയയില്‍ വൈറലാവുകയാണ്. യുവതികളുടെ പെട്ടെന്നുണ്ടായ ഭാവമാറ്റത്തില്‍ സഹയാത്രികര്‍ ഭയപ്പെടുന്നതും ദൃശ്യങ്ങളില്‍ കാണാം. തിരക്കേറിയ ട്രെയിനിനുള്ളില്‍ ഇരിക്കുന്ന രണ്ട് യുവതികളാണ് ഏറെ വിചിത്രമായി പെരുമാറുന്നത്. സ്വബോധം നഷ്ടപ്പെട്ട രീതിയില്‍ അവര്‍ സംസാരിക്കുന്നതും ശരീരം ചലിപ്പിക്കുന്നതും കാണാം.
എന്നാല്‍, വീഡിയോയുടെ ആധികാരികതയെ സംബന്ധിച്ച ചോദ്യങ്ങള്‍ ബാക്കിയാവുകയാണ്. സോഷ്യല്‍ മീഡിയയില്‍ വീഡിയോ വൈറല്‍ ആയതോടെ വീഡിയോയ്ക്ക് താഴെ നിരവധി കമന്റുകളാണ് നിറഞ്ഞത്. ടിടിആറിന്റെ കൈയില്‍ നിന്നും രക്ഷപ്പെടാനുള്ള തന്ത്രമാണെന്നും രണ്ടും ടിക്കറ്റ് എടുത്തിട്ടില്ല എന്നും ഒക്കെയുള്ള കമന്റുകളാണ് വീഡിയോയ്ക്ക് താഴെ നിറയുന്നത്. മയക്കുമരുന്ന് ഉപയോഗിച്ച് സ്വബോധം നഷ്ടപ്പെട്ടതാണെന്നും ചിലര്‍ അഭിപ്രായപ്പെട്ടു.
